Mark 15:19 - An Bibel Kernewek 20234 (Kernewek Kemmyn)

¹⁹ Hag yth esens orth y weskel war an penn gans korsenn ha trewa warnodho; hag ow mos dhe benn-dewlin yth esens orth y wordhya.

Mark 15:19 Iomraidhean Croise

Jenesis 24:52

Pan glewas servont Abraham aga lavarow, ev a omblegyas troha'n leur dherag an Arloedh.

Jenesis 43:28

Hag yn-medhons i, ‘Yma dha was agan tas yn poynt da. Hwath yn few yw ev.’ Hag i a omblegyas ha koedha dhe'n dor a-ragdho.

1 Myghternedh 19:18

Mes my a as seyth mil yn Ysrael, oll an re na blegyas dewlin dhe Baal na amma dhodho.’

Job 13:9

A vydh da genowgh pan wra aga gorthapposya? Po a yllowgh y doella, kepar dell doellir den?

Salmow 69:12

An re a esedh y'n porth a gews er ow fynn, ha'n bennow-medhow a gan ahanav yn ges.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Matthew 27:30

Hag i a drewas warnodho ha kemmeres an gorsenn hag yth esens orth y weskel war y benn.

Mark 10:34

hag i a wra y skornya, ha trewa warnodho, ha'y skorjya, ha'y ladha; ha wosa trydydh ev a dhassergh.’

Mark 14:65

Ha re a dhallathas trewa warnodho; ha kudha y fas i a wrug, ha'y gronkya, ha leverel dhodho, ‘Gwra profoesa’, ha'n withysi a'n kemmeras, gans hwattys.

Mark 15:18

Hag i a dhallathas y salusi, ‘Hayl, Myghtern an Yedhewon!’

Mark 15:20

Ha wosa i dh'y skornya, i a dhi'skas an purpur dhiworto ha'y wiska yn y dhillas y honan. Hag i a'n dug yn-mes rag y growsya.

Mark 9:12

Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Luk 22:63

An wer esa orth y witha a'n skornya ha'y gronkya,

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Luk 23:36

Ha'n soudoryon ynwedh a wrug ges anodho, ow tos ha profya dhodho aysel,

Romanyon 11:4

Mes pandr'a lever dhodho an gorthyp duwel? ‘My re withas dhymmo vy ow honan seyth mil wour na blegsons aga glin a-rag Baal.’

Filippianys 2:10

yn hanow Yesu may plekkya pub glin, an re yn nev, an re war an nor, ha'n re yn-dann an nor,

Ebrowyon 13:13

Ytho deun yn-rag dhodho yn-mes a'n kamp ha doen y vismer ev ganso.