Mark 14:41 - An Bibel Kernewek 20234 (Kernewek Kemmyn)

⁴¹ Hag ev a dheuth an tressa gweyth hag yn-medh ev dhedha, ‘Koskewgh lemmyn ha powesewgh; lowr yw, devedhys yw an eur: otta, yma Mab an den daskorrys yntra diwla peghadoryon.

Mark 14:41 Iomraidhean Croise

1 Myghternedh 18:27

Dhe hanter-dydh Elias a's skornyas, ow leverel, ‘Kriewgh ughella, rag ev yw duw; poken yma ev owth ombrederi, poken ev re omdennas, poken yma ev ow vyajya. Martesen yma ow koska ha res yw gul dhodho difuna.’

1 Myghternedh 22:15

Pan dheuth dhe'n myghtern, an myghtern a leveris dhodho, ‘Mikaya, en ni dhe Ramoth-gilead dhe vatalyas, po a hedhyn?’ Ev a worthybis dhodho, ‘Ke yn-bann ha tryghi; an Arloedh a's re yn leuv an myghtern.’

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Matthew 26:2

‘Hwi a woer bos an pask wosa dew dhydh, ha Mab an den a vydh daskorrys dhe vos krowsys.’

Mark 14:10

Ha Yudas Skaryoth, onan a'n dewdhek, eth dhe'n bennoferysi, rag y drayta dhedha.

Mark 14:18

Ha pan ens esedhys hag ow tybri, yn-medh Yesu, ‘Yn hwir y lavarav dhywgh, onan ahanowgh a wra ow thrayta, neb yw genev ow tybri.’

Mark 14:35

Hag ev eth nebes war-rag hag a goedhas war an dor ha pysi, mar kalla bos yndella may tremenna an eur a-dhiworto;

Mark 14:40

Ha pan dhehwelis, ev a's kavas arta ow koska, rag poes fest o aga dewlagas, ha ny wodhyens pandra dhe worthybi dhodho.

Mark 14:42

Sevewgh yn-bann, deun ahanan; otta, a-ogas yma neb a'm trayt.’

Mark 7:9

Hag ev a leveris dhedha, ‘Yn ta y hwrewgh nagha gorhemmynn Duw, may hyllowgh gwitha agas hengov agas honan!

Mark 9:31

Rag ev a dhyski y dhyskyblon ha leverel dhedha, ‘Mab an den a vydh daskorrys yntra diwla tus, hag y hwrons y ladha, ha wosa bos ledhys, ev a dhassergh wosa trydydh.’

Yowann 12:23

Yesu a worthybis dhedha ow leverel, ‘Devedhys yw an eur may fo Mab an den glorifiys.

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Yowann 7:30

Rakhenna i a hwilas y dhalghenna, mes ny settyas denvyth dorn ynno, rag nyns o devedhys y eur ev.

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Breusysi 10:14

Kewgh ha kriewgh dhe'n duwow re dhewissowgh; gwrens i agas delivra yn termyn agas ahwer.’