Mark 14:21 - An Bibel Kernewek 20234 (Kernewek Kemmyn)

²¹ Rag Mab an den a dremen, anodho dell yw skrifys, mes go-ev an den na ganso may ma Mab an den traytys; da via dhodho, byth na ve genys an den na.’

Mark 14:21 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Salmow 55:15

Des ankow warnedha, ha diyskynnens yn few dhe ifarn; rag yma sherewneth yn aga annedhow, hag yn aga mysk.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Matthew 26:54

Fatell allsa an skryptors bos kollenwys ytho, y tal hwarvos yndella?’

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Mark 14:20

Mes yn-medh ev dhedha, ‘Onan a'n dewdhek, usi ow troghya y leuv y'n keth tallyour genev.

Mark 14:22

Ha pan esens ow tybri, ev a gemmeras bara, ha wosa benniga, ev a dorras ha ri dhedha ha leverel, ‘Kemmerewgh, hemm yw ow horf vy.’

Mark 14:49

Pub dydh yth esen genowgh y'n tempel ow tyski, ha ny wrussowgh ow synsi; mes res yw dhe'n skryptors bos kollenwys.’

Luk 22:22

Rag devri Mab an den a yn-rag dell veu ordenys, mes go-ev an den na, dredho mayth yw traytys.’

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Oberow 1:25

dhe gemmeres an tyller y'n menystrans ma hag y'n abostolieth ma, may koedhas Yudas rag mos dh'y le y honan.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,