Mark 12:26 - An Bibel Kernewek 20234 (Kernewek Kemmyn)

²⁶ Hag a-dro dhe'n re varow, i dhe vos drehevys, a ny redsowgh yn lyver Moyses, a-dro dhe'n bos, fatell gewsis Duw dhodho, ow leverel, My yw Duw Abraham, ha Duw Ysak, ha Duw Yakob?

Mark 12:26 Iomraidhean Croise

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Jenesis 32:9

Hag yn-medh Yakob, ‘A Dhuw ow thas Abraham, ha Duw ow thas Ysak, an Arloedh, neb a leveris dhymm, “Dehwel dhe'th wlas ha dhe'th kerens ha my a vynn dha dhyghtya yn ta”:

Jenesis 33:20

Hag ev a dhrehevis ena alter, ha'y elwel El-elohe-ysrael.

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Mark 12:10

A ny redsowgh hwi an skryptor ma: “An men hag a veu skonys gans an weythoryon, henn yw gwrys pennmen an korn;

Mark 12:25

Rag i pan dhasserghons a'n re varow, ny dhemmedhons, na ny vydhons demmedhys mes yth ens i avel eledh y'n nevow.

Luk 20:37

Moyses y honan a dhiskwedhas y'n derivas a-dro dhe'n bos an re varow dhe vos drehevys, pan gews ev a'n Arloedh avel Duw Abraham, ha Duw Ysak, ha Duw Yakob.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?