Mark 12:24 - An Bibel Kernewek 20234 (Kernewek Kemmyn)

²⁴ Yn-medh Yesu dhedha, ‘A nyns yw drefenn na wodhowgh naneyl an skryptors, na galloes Duw, y kammdybowgh hwi yn hemma?

Mark 12:24 Iomraidhean Croise

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Hosea 8:12

Kyn skrifav ragdho ordenansow diniver ow lagha, akontys yns avel neppyth astranj.

Matthew 22:29

Yesu a worthybis ha leverel dhedha, ‘Kammdybi a wrewgh, drefenn na wodhowgh naneyl an skryptors na galloes Duw.

Mark 10:27

Yesu a viras orta ha leverel, ‘Henn yw dres galloes tus, mes gans Duw ken yw; gans Duw pub tra a yll bos gwrys.’

Mark 12:23

Y'n dasserghyans, pan sevons, piw anedha a's pew yn gwreg? Rag an seyth a's kemmeras yn gwreg.’

Mark 12:25

Rag i pan dhasserghons a'n re varow, ny dhemmedhons, na ny vydhons demmedhys mes yth ens i avel eledh y'n nevow.

Luk 1:37

rag gans Duw ny vydh travyth dres y alloes.’

Yowann 20:9

Rag ny gonvedhsens na hwath an skryptor, y koedhva dhodho dasserghi dhiworth an re varow.

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Efesianys 1:19

ha pyth yw an braster dres eghenn a'y alloes troha ni neb a grys war-lergh oberyans krevder y nerth

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.