Mark 12:2 - An Bibel Kernewek 20234 (Kernewek Kemmyn)

² Hag yn termyn an drevas ev a dhannvonas kethwas dhe'n diogyon, may tegemmerra a-dhiworth an diogyon rann a drevas an winlann.

Mark 12:2 Iomraidhean Croise

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Ezra 9:11

a erghsys dre dha servysi an brofoesi, ow leverel, “An tir, mayth esowgh owth entra ynno dh'y berghenna, yw tir defolys gans mostedhes tus an powyow. Der aga thaklow kasadow, i re'n lenwis hys-ha-hys a'ga avlander.

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Mika 7:1

Go-vy! Rag deuvev ha bos avel diwettha kuntell frut an hav, po kuntell gesigow trevas an grappys, pan nag eus grappys gesys dhe dhybri, na figys a-varr a'm beus hwans anedha.

Zekaria 7:7

A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

Matthew 21:34

Ha pan esa prys an drevas ow nesa, ev a dhannvonas y gethwesyon dhe'n diogyon rag kavoes y drevas.

Mark 12:1

Hag ev a dhallathas kewsel orta dre barabolennow: ‘Unn den a blansas gwinlann, ha gorra ke a-dro dhedhi, ha palas pytt dhe'n winwask ha drehevel tour, ha'y settya dhe diogyon, hag ena vyajya yn-kerdh.

Mark 12:3

Mes i a'n dalghennas, ha'y gronkya, ha'y dhannvon dhe-ves gwag y dhiwla.

Luk 12:48

Mes ev neb na wodhva y vodh mes gul taklow ow tendil strokosow, a vydh boghes gweskys. Dhe neb may feu res meur, dhiworto y fydh hwilys meur, ha dhe neb may feu kemmynnys meur, hwath moy a vydh govynnys anodho.

Luk 20:10

Hag yn seson an drevas, ev a dhannvonas kethwas dhe'n diogyon, rag may rollens dhodho neppyth a frut an winlann; mes an diogyon a'n kronkyas ha'y dhannvon yn-kerdh, gwag y dhiwla.

Ebrowyon 1:1

Yn lies fordh hag yn lies gis, Duw a gewsis y'n kothenep dh'agan tasow der an brofoesi;