Mark 12:14 - An Bibel Kernewek 20234 (Kernewek Kemmyn)

¹⁴ Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Mark 12:14 Iomraidhean Croise

2 Kroniklys 18:13

Mes Mikaya a leveris, ‘Dell vew an Arloedh, pypynag a lavarro ow Duw, henna a lavarav.’

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Nehemia 9:37

Drefenn ni dhe begha, y drevas rych a dhe'n myghternedh re worrsys warnan; ynwedh i a's teves galloes war agan korf, ha'gan bestes, herwydh aga bodh, ha ni yw yn ahwer bras.’

Salmow 120:2

Delirv ow enev, A Arloedh, dhiworth gweusyow gowek, ha dhiworth fals taves.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Yeremia 42:20

hwi dhe vos yn sowdhan yn agas kolonn. Rag hwi agas honan a'm dannvonas dhe'n Arloedh agas Duw, ow leverel, “Pys a'gan govis dhe'n Arloedh agan Duw, ha war-lergh an pyth a lever an Arloedh agan Duw, lavar dhyn, ha ni a'n gwra.”

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 22:17

Lavar dhyn ytho pyth yw dha vreus: yw lafyl ri trubyt dhe Sesar, po nag yw?’

Mark 12:13

Hag i a dhannvonas dhodho re a'n Fariseow ha'n Herodianys, may hallens y vaglenna yn y lavarow.

Mark 12:15

Mes ev, owth aswonn aga falsuri, a leveris dhedha, ‘Prag y'm prevowgh vy? Drewgh dhymm dinerenn, may hallav hy gweles.’

Mark 14:45

Ha pan o devedhys, ev eth bys dhodho a-dhesempis ha leverel, ‘Mester!’ hag a ammas dhodho.

Luk 20:22

Yw lafyl ni dhe ri trubyt dhe Sesar, po nag yw?’

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Romanyon 13:6

Rag an keth skila y telydh trubyt, rag an routers yw gwesyon Duw prest owth omri poran dhe'n keth tra ma.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 2:2

Rag mara'gas keudhav, piw eus neb a'm heudhha, marnas ev yw keudhys genev vy?

2 Korinthianys 4:1

Rakhenna, a-ban eus dhyn an menystrans ma, kepar dell gevsyn tregeredh, ny dheun ha bos digolonnek,

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Galatianys 2:6

Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.