Mark 11:23 - An Bibel Kernewek 20234 (Kernewek Kemmyn)

²³ Yn hwir y lavarav dhywgh, piwpynag a lavarro dhe'n menydh ma “Ty bydh kemmerys yn-bann, ha bydh tewlys y'n mor” ha na dhouttyo yn y golonn, mes a grysso y hwyrvydh an pyth a gews, ev a'n kyv.

Mark 11:23 Iomraidhean Croise

Salmow 37:4

Lowenha y'n Arloedh, hag ev a re dhis govynnadow dha golonn.

Matthew 14:13

Ha Yesu pan y'n klewas a omdennas alena yn gorhel dhe dyller difeyth, yn priva; ha'n routhow a glewas henna hag a'n siwyas a-droes dhiworth an sitys.

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Luk 17:6

An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Yowann 15:7

Mar trigowgh ynnov, ha'm geryow mar trigons ynnowgh, govynnewgh pypynag a vynnowgh, ha gwrys vydh ragowgh.

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.