Mark 11:14 - An Bibel Kernewek 20234 (Kernewek Kemmyn)

¹⁴ Ha Yesu a worthybis ha leverel dhodho, ‘Denvyth byth na dhybres frut ahanas alemma rag, bys vykken.’ Ha'y dhyskyblon a'n klewas.

Mark 11:14 Iomraidhean Croise

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Matthew 21:33

‘Klewewgh parabolenn arall. Yth esa unn den, perghennek tir, neb a blansas gwinlann ha gorra ke a-dro dhedhi ha palas gwinwask ynni, ha drehevel tour, ha'y settya dhe diogyon, hag ena vyajya yn-kerdh.

Matthew 21:44

Ha neb a goedh war an men ma a vydh terrys dhe demmyn, mes neb may koettho an men warnodho, ev a vydh skwattys dhe dhoust.’

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Matthew 7:19

Pub gwydhenn na dheg frut da a vydh treghys dhe'n dor ha tewlys y'n tan.

Mark 11:13

Hag ow kweles figbrenn a-bell ha dhodho del, ev a dheuth dhe weles mar kaffa neppyth warnodho, ha pan dheuth dhodho, ny gavas travyth saw del; rag nyns esa termyn figys.

Mark 11:15

Hag i a dheuth dhe Yerusalem. Ha devedhys a-ji dhe'n tempel, ev a dhallathas tewlel yn-mes an re esa ow kwertha hag ow prena y'n tempel, hag ev a dhomhwelis moesow an arghansoryon, hag esedhow an re esa ow kwertha kelemmi;

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’