Mark 10:49 - An Bibel Kernewek 20234 (Kernewek Kemmyn)

⁴⁹ Ha Yesu a sevis ha leverel, ‘Gelwewgh ev’, hag i a elwis an den dall, ow leverel dhodho, ‘Gwellha dha jer, sav yn-bann; ymava orth dha elwel.’

Mark 10:49 Iomraidhean Croise

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Matthew 9:2

Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Mark 10:50

Hag ev, ow tewlel y vantell dhiwarnodho, a lammas yn-bann hag a dheuth dhe Yesu.

Luk 18:40

Ena Yesu a sevis hag erghi may fe dres dhodho; ha pan dheuth nes, ev a wovynnas orto,

Yowann 11:28

Ha wosa leverel hemma, hi eth ha gelwel Maria hy hwoer yn priva, ow leverel, ‘An Mester yw devedhys, hag ev a'th elow.’

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.