Mark 10:47 - An Bibel Kernewek 20234 (Kernewek Kemmyn)

⁴⁷ Ha pan glewas bos henna Yesu a Nazareth, ev a dhallathas garma ha leverel, ‘Yesu, Mab Davydh, kemmer truedh ahanav.’

Mark 10:47 Iomraidhean Croise

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Matthew 1:1

Lyver linyeth Yesu Krist mab Davydh mab Abraham.

Matthew 12:23

Ha marth bras a'n jevo oll an routhow, hag yn-medhons, ‘A allsa hemma martesen bos mab Davydh?’

Matthew 15:22

Hag awotta, benyn gananek a dheuth a'n oryon na ha garma, ‘Arloedh, mab Davydh, kemmer truedh ahanav; ow myrgh re beu dalghennys yn trog gans dyowl.’

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Matthew 20:30

Hag awotta, dew dhen dhall a'ga esedh ryb an fordh; pan glewsons bos Yesu ow tremena, a armas, ow leverel, ‘Arloedh, kemmer truedh ahanan, ty Vab Davydh.’

Matthew 21:11

Ha'n routhow a worthybis, ‘Hemm yw an profoes Yesu, a Nazareth yn Galile.’

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Matthew 26:71

Ha wosa ev dhe vones yn-mes dhe'n porth, maghteth arall a'n gwelas hag a leveris dhe'n re esa ena, ‘Yth esa hemma ynwedh gans Yesu a Nazareth.’

Matthew 9:27

Ha pan esa Yesu owth omdenna alena, dew dhen dhall a'n siwyas ow karma ha leverel, ‘Kemmer truedh ahanan, ty vab Davydh.’

Mark 1:24

‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Luk 4:16

Ena ev a dheuth dhe Nazareth, may fia megys, hag ev eth y'n synaga war-lergh y usadow yn dydh sabot, ha sevel dhe lenna.

Yowann 1:46

Hag yn-medh Nathanael dhodho, ‘A yll travyth da dos mes a Nazareth?’ Yn-medh Felip dhodho, ‘Deus ha gwel.’

Yowann 19:19

Ha Pilat a skrifas titel, ha'y worra war an grows; ha skrifys veu: Yesu a Nazareth, Myghtern an Yedhewon.

Yowann 7:41

Re erell a leveri, ‘Hemm yw an Krist’; mes re a leveri, ‘A dheu Krist a Alile?

Yowann 7:52

I a worthybis ha leverel dhodho, ‘Osta jy ynwedh a Alile? Hwila ha gwel, na sev profoes dhiworth Galile.’

Oberow 6:14

Rag ni re'n klewas ow leverel y hwra an Yesu ma a Nazareth distrui an tyller ma ha chanjya an usyow a ros Moyses dhyn.’

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’