Mark 10:37 - An Bibel Kernewek 20234 (Kernewek Kemmyn)

³⁷ Hag i a leveris dhodho, ‘Gront dhyn may hyllyn esedha, an eyl a'n barth dhyghow dhis, ha'y gila a'n barth kledh, yn dha wolewder.’

Mark 10:37 Iomraidhean Croise

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Mark 10:36

Hag yn-medh ev dhedha, ‘Pandr'a vynnowgh my dhe wul ragowgh?’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 24:26

A nyns o res an Krist dhe wodhav an taklow ma hag entra yn y wolewder?’

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.