Mark 10:33 - An Bibel Kernewek 20234 (Kernewek Kemmyn)

³³ ‘Otta, mos a wren yn-bann dhe Yerusalem, ha Mab an den a vydh daskorrys dhe'n bennoferysi ha dhe'n skribys; hag i a wra y dhampnya dhe'n mernans, ha'y dhaskorr dhe'n Jentilys;

Mark 10:33 Iomraidhean Croise

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Matthew 16:21

Alena rag, Yesu a dhallathas diskwedhes dh'y dhyskyblon y fia res dhodho mones dhe Yerusalem ha godhevel lies tra dhiworth an henavogyon ha'n bennoferysi ha'n skribys, ha bos ledhys, ha bos drehevys y'n tressa dydh.

Matthew 26:66

Pandr'a dybowgh?’ I a worthybis ow leverel, ‘Gwiw yw dhe verwel.’

Matthew 27:2

ha wosa i dh'y gelmi, i a'n dug yn-kerdh ha'y dhaskorr dhe Pilat an governour.

Mark 14:64

Hwi re glewas an blasfemi. Pandr'a brederowgh hwi?’ Ha peub oll a'n dampnyas, bos ow tervynn an mernans.

Mark 15:1

Ha desempis y'n myttin an bennoferysi a wrug omgusulyans gans an henavogyon ha'n skribys hag oll an Sanhedrin; hag i a golmas Yesu, ha'y dhoen yn-kerdh ha'y dhaskorr dhe Pilat.

Mark 8:31

Hag ev a dhallathas aga dyski, bos res dhe Vab an den godhevel lies tra, ha bos neghys gans an henavogyon ha gans an bennoferysi ha'n skribys, ha bos ledhys, ha wosa trydydh dasserghi.

Mark 9:12

Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Mark 9:31

Rag ev a dhyski y dhyskyblon ha leverel dhedha, ‘Mab an den a vydh daskorrys yntra diwla tus, hag y hwrons y ladha, ha wosa bos ledhys, ev a dhassergh wosa trydydh.’

Luk 23:21

mes i a besyas garma, ‘Krowsy e, krowsy e!’

Luk 9:22

ow leverel bos res dhe Mab an den godhav lies tra ha bos neghys gans an henavogyon ha'n bennoferysi ha'n skribys ha bos ledhys ha bos drehevys y'n tressa dydh.

Yowann 18:28

Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.

Yowann 18:32

may fe kollenwys an ger kewsys gans Yesu, ow styrya py par mernans a vedha ow merwel dredho.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Oberow 13:27

Rag an re trigys yn Yerusalem ha'ga rewloryon, drefenn na'n aswonnsons, na konvedhes lavarow an brofoesi yw redys pub sabot, orth y vreusi re's kollenwis.

Oberow 20:22

Lemmyn otta, kelmys gans an Spyrys, yth esov vy ow mos dhe Yerusalem, heb godhvos an pyth a wra dos er ow fynn ena,

Jamys 5:6

Hwi re dhampnyas ha ladha an den gwiryon; ny sev ev orthowgh.