Mark 10:27 - An Bibel Kernewek 20234 (Kernewek Kemmyn)

²⁷ Yesu a viras orta ha leverel, ‘Henn yw dres galloes tus, mes gans Duw ken yw; gans Duw pub tra a yll bos gwrys.’

Mark 10:27 Iomraidhean Croise

2 Myghternedh 3:18

Ha nyns yw hemma marnas tra skav yn golok an Arloedh, rag ev a re Moab yn agas leuv.

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Job 42:2

‘My a woer y hyllydh gul pup-tra, ha ny yll towl ahanas bos lestys.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Yeremia 32:27

Otta, my yw an Arloedh, Duw pub kig; eus neppyth re gales ragov?

Zekaria 8:6

Yndellma y lever Arloedh an luyow: Mars yw marthys yn dewlagas remenant an bobel y'n dydhyow ma, a vydh marthys ynwedh y'm dewlagas vy? yn-medh Arloedh an luyow.

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Mark 10:26

Ha marth a's teva dhe voy, ow leverel an eyl dh'y gila, ‘Piw, ytho, a yll bos selwys?’

Luk 1:37

rag gans Duw ny vydh travyth dres y alloes.’

Luk 18:27

Yn-medh ev, ‘Taklow na yll tus aga gul, Duw a yll aga gul.’

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Ebrowyon 11:19

Ev a grysi y hylli Duw drehevel tus a'n re varow; ytho, yn figur, ev a wrug y dhaskemmeres.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.