Mark 10:24 - An Bibel Kernewek 20234 (Kernewek Kemmyn)

²⁴ Ha marth o gans y dhyskyblon a'y lavarow. Mes Yesu a worthybis arta ha leverel dhedha, ‘A fleghes, ass yw kales dhe'n re a drest yn rychys mos a-ji dhe wlaskor Duw!

Mark 10:24 Iomraidhean Croise

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 11:28

Neb a drest yn y rychys a goedh, mes an re wiryon a sewen avel del glas.

Lavarow Koth 18:11

Pythow an den rych yw y sita grev, hag avel fos ughel yn y gonsayt y honan.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Habakkuk 2:9

Go-ev neb a gemmer tebel brow rag y ji, ow settya y neyth a-vann may fo delivrys dhiworth an leuv a dhrogober.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Matthew 19:25

Pan glewas an dhyskyblon henna, pur sowdhenys ens i, hag yn-medhons, ‘Piw ytho a yll bos selwys?’

Mark 1:27

Hag yth ens i sowdhenys glan yn kettep penn, may hwrussons govynn an eyl orth y gila ow leverel, ‘Pandr'yw hemma? Dyskas nowydh gans awtorita! Ev a worhemmynn ynwedh dhe'n spyrysyon avlan, ha gostydh yns dhodho.’

Mark 10:23

Hag ow mires a-derdro, Yesu a leveris dh'y dhyskyblon, ‘Assa vydh kales dhe'n re a's tevo rychys entra dhe wlaskor Duw!’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Yowann 13:33

A fleghes vyghan, hwath termyn berr yth esov genowgh. Hwi a'm hwila, ha dell leveris vy dhe'n Yedhewon, “Le mayth av ny yllowgh dos”, lemmyn my a'n lever dhywgh hwi.

Yowann 21:5

Ena yn-medh Yesu dhedha, ‘Fleghes, a nyns eus genowgh boes?’ I a worthybis dhodho, ‘Nag eus.’

Yowann 6:60

Rakhenna, lies a'y dhyskyblon pan glewsons hemma a leveris, ‘Kales yw an lavar ma; piw a yll y glewes?’

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 5:21

A fleghigyow, omwithewgh rag idolys.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.