Mark 10:21 - An Bibel Kernewek 20234 (Kernewek Kemmyn)

²¹ Mes Yesu, ow mires poran warnodho, a'n karas, hag a leveris dhodho, ‘Unn dra a fyll dhis: ke yn-rag, gwerth pup-tra eus genes, ha ro dhe'n voghosogyon, ha ty a' fydh tresor yn nev; ha deus, hol vy.’

Mark 10:21 Iomraidhean Croise

Jenesis 34:19

Ha ny dhelatyas an den yowynk gul an dra, rag yth esa delit dhodho yn myrgh Yakob. An moyha enorys ova yn oll chi y das.

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Matthew 19:21

Yn-medh Yesu dhodho, ‘Mar mynnydh bos perfydh, ke ha gwerth an taklow eus dhis, ha ri dhe'n voghosogyon ha ty a gyv tresor y'n nevow; ha deus dhe'm holya.’

Mark 10:22

Mes keudh a'n jeva orth an lavar na hag yth eth trist dhe-ves, rag yth esa dhodho meur a byth an bys.

Mark 8:34

Ha wosa gelwel an routh dhodho gans y dhyskyblon, ev a leveris dhedha, ‘Neb a vynno holya war ow lergh, gwres ev omdhenagha y honan, ha kemmeres yn-bann y grows, ha'm holya vy.

Luk 10:42

mes yma edhomm a unn dra: ha Maria re dhewisas an rann dha, na vydh kemmerys dhiworti.’

Luk 12:33

Gwerthewgh agas pythow ha rewgh alusen. Gwrewgh porsys dhywgh agas honan na vydhons koth, tresor y'n nevow na fyll nevra, le na dheu lader dhodho na ny wra goedhan y dhistrui.

Luk 16:9

Ha my a lever dhywgh, gwrewgh kowetha dhywgh agas honan a'n mammon a anwiryonedh, rag may fowgh wolkommys, pan fyll ev, bys yn annedhow heb diwedh.

Luk 18:22

Pan glewas Yesu henna, yn-medh ev dhodho, ‘Hwath unn dra a fyll dhis: gwerth pup-tra eus dhis ha'y ranna dhe'n voghosogyon, ha ty a' fydh tresor y'n nevow, ha deus, hol vy.’

Luk 19:41

Ha pan dheuth nes, ow kweles an sita, ev a oelas warnedhi,

Luk 9:23

Hag yn-medh ev dhedha i oll, ‘Mar mynn nebonan dos war ow lergh, gwres omdhenagha, ha kemmeres yn-bann y grows pub dydh, ha'm holya vy.

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 2:45

hag i a wertha aga fythow ha'ga gwara, hag i a's ranna dhe beub oll, dell esa edhomm dhe nebonan.

2 Korinthianys 12:15

Ytho, fest yn lowen y hwrav vy spena ha bos spenys a-barth agas enevow. Mara'gas karav dhe voy, a vydhav vy kerys dhe le?

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.

Jamys 2:10

Rag neb a with an lagha yn tien mes a drebuch yn unn dra, yn tien gyllys kablus yw ev.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.

Diskwedhyans 2:20

Byttegyns, yma genev hemma er dha bynn: ty dhe asa an venyn na Yezebel a elow hy honan profoeses dhe dhyski ha dynya ow gwesyon dhe wul fornikasyon ha dybri taklow offrynnys dhe idolys.

Diskwedhyans 2:4

Byttegyns yma genev neppyth er dha bynn: ty re asas dha gerensa, kepar dell vedha wostalleth.