Mark 10:1 - An Bibel Kernewek 20234 (Kernewek Kemmyn)

¹ Hag ev a sevis alena ha dos bys yn oryon Yudi ha dres an Yordan; ha routhow a dheuth war-barth dhodho arta, ha kepar dell o y us, ev a's dyski arta.

Mark 10:1 Iomraidhean Croise

Ekklesiastes 12:9

Ha dres henna, drefenn bos an Pregowther fur, ev a besyas dyski godhvos dhe'n bobel, ha ri skovarn, ha hwilas; ev a restras lies lavar.

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Mark 1:21

Hag yth ethons yn Kapernaum; ha distowgh y'n sabot ev eth a-bervedh y'n synaga, ha dyski.

Mark 10:2

Ha Fariseow a dheuth ha govynn orto, orth y brevi, ‘Yw lafyl, gour dhe dhidhemmedhi y wreg?’

Mark 12:35

Ha Yesu a worthybis ha leverel, hag ev ow tyski y'n tempel, ‘Fatell yw, y lever an skribys Krist dhe vos mab Davydh?

Mark 14:49

Pub dydh yth esen genowgh y'n tempel ow tyski, ha ny wrussowgh ow synsi; mes res yw dhe'n skryptors bos kollenwys.’

Mark 2:13

Hag ev eth yn-mes arta ryb an mor; hag oll an routh a dheuth dhodho, hag ev a's dyskas.

Mark 4:2

Hag yth esa ow tyski dhedha lies tra dre barabolennow, ha leverel dhedha yn y dhyskas,

Mark 6:2

Ha pan o devedhys an sabot, ev a dhallathas dyski y'n synaga, ha lies, orth y glewes, a's teva marth, hag yn-medhons, ‘A-ble teuth dhodho an taklow ma? Ha pyth yw an furneth re beu res dhodho, ha'n oberow galloesek ma gwrys gans y dhiwla?

Mark 6:34

Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Mark 6:6

Ha marth o ganso drefenn aga diskryjyans. Hag yth esa ow mos a-dro y'n trevow, ow tyski.

Yowann 10:40

Hag ev eth dhe-ves arta dhe'n tu arall dhe'n Yordan, dhe'n tyller mayth esa Yowann ow pesydhya y'n dalleth, hag a wortas ena.

Yowann 11:7

Ena a'y wosa yn-medh ev dh'y dhyskyblon, ‘Gwren ni mos arta dhe Yudi.’

Yowann 18:20

Yesu a worthybis dhodho, ‘My re gewsis yn apert dhe'n bys. Pup-prys my re dhyskas y'n synaga hag y'n tempel, le mayth omguntell an Yedhewon pup-prys, hag yn-dann gel ny leveris travyth