Mark 1:45 - An Bibel Kernewek 20234 (Kernewek Kemmyn)

⁴⁵ Mes ev eth yn-mes ha dalleth kewsel anodho yn feur ha dyllo an dra a-les, ma na ylli ev entra dhe'n sita namoy a-wel tus, mes yth esa a-ves yn tylleryow difeyth; hag i a dheuth dhodho a bub tu.

Mark 1:45 Iomraidhean Croise

Salmow 77:11

My a berth kov a wriansow an Arloedh; devri, my a berth kov a'th varthusyon kyns.

Matthew 28:15

I a gemmeras an mona ha gul kepar dell veu dyskys dhedha. Ha'n hwedhel ma yw kyhwedhlys yn mysk an Yedhewon bys y'n jydh hedhyw.

Matthew 9:26

Ha'n nowodhow a hemma a omlesas dres oll an pow na.

Matthew 9:31

Mes pan ethons yn-kerdh i a'n kyhwedhlas dres oll an pow na.

Mark 2:13

Hag ev eth yn-mes arta ryb an mor; hag oll an routh a dheuth dhodho, hag ev a's dyskas.

Mark 3:20

Ev eth a-bervedh yn chi, hag yth esa an routh owth omguntell arta, ma na yllens kemmys ha dybri bara.

Mark 3:7

Mes Yesu a omdennas gans y dhyskyblon war-tu ha'n mor, ha routh veur a Alile a'n holyas, hag a Yudi;

Mark 7:36

Hag ev a erghis dhedha na lavarrens dhe dhenvyth; mes seul voy yth esa owth erghi dhedha dhe voy hwath i a'n dylli.

Yowann 6:2

Ha routh veur a'n siwyas, rag yth esons ow kweles an toknys a wre war an glevyon.

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.