Mark 1:27 - An Bibel Kernewek 20234 (Kernewek Kemmyn)

²⁷ Hag yth ens i sowdhenys glan yn kettep penn, may hwrussons govynn an eyl orth y gila ow leverel, ‘Pandr'yw hemma? Dyskas nowydh gans awtorita! Ev a worhemmynn ynwedh dhe'n spyrysyon avlan, ha gostydh yns dhodho.’

Mark 1:27 Iomraidhean Croise

Matthew 15:31

Ytho an routh a's teva marth pan welsons an re avlavar ow kewsel, an dus vans yn yagh, ha'n evredhyon ow kerdhes ha'n dhellyon ow kweles; hag i a wormolas Duw Ysrael.

Matthew 8:9

Rag my ynwedh yw den yn-dann awtorita, hag a'm beus soudoryon yn-dannov, ha my a lever dhe onan, “Ke”, ha mos a wra, ha dhe arall, “Deus”, ha dos a wra, ha dhe'm kethwas, “Gwra hemma”, hag ev a'n gwra.’

Matthew 9:33

Ha pan veu an jowl tewlys yn-mes, an avlavar a gewsis. Ha'n routhow a's teva marth ha leverel, ‘Bythkweth ny veu gwelys tra a'n par ma yn Ysrael.’

Mark 1:26

Ha wosa an spyrys avlan dh'y gryghylli gans nerth ha garma gans lev ughel, ev a dheuth yn-mes anodho.

Mark 1:28

Ha desempis yth eth son anodho dres oll an pow a-dro dhe Alile.

Mark 10:24

Ha marth o gans y dhyskyblon a'y lavarow. Mes Yesu a worthybis arta ha leverel dhedha, ‘A fleghes, ass yw kales dhe'n re a drest yn rychys mos a-ji dhe wlaskor Duw!

Mark 10:32

Hag yth esens war an fordh ow mos yn-bann dhe Yerusalem; hag yth esa Yesu ow mos a-dheragdha, ha marth o gansa; hag own a's teva an re esa owth holya. Hag ev a gemmeras an dewdhek arta a-denewen, hag a dhallathas derivas dhedha pana daklow a vedha ow hwarvos dhodho:

Mark 16:5

Ha pan dheuthons a-berth y'n bedh i a welas den yowynk esedhys a'n barth dhyghow gwiskys yn pows wynn; hag own a's teva.

Mark 16:6

Mes ev a leveris dhedha, ‘Na berthewgh own; hwi a hwila Yesu a Nazareth neb a veu krowsys; drehevys yw, nyns usi omma; awotta'n tyller ma'n gorrsons.

Mark 7:37

Hag yth o dhedha marth dres eghenn, hag yn-medhons, ‘Ev re wrug pup-tra yn fas; ev a wra dhe'n re vodhar klewes, ha dhe'n re avlavar kewsel.’

Luk 4:36

Ha marth a's tevo i oll, hag yn-medhons an eyl dh'y gila, ‘Pyth yw an ger ma? Rag gans awtorita ha galloes ev a ergh dhe'n spyrysyon avlan, hag i a dheu yn-mes.’

Luk 9:1

Ena ev a elwis an dewdhek war-barth, hag a ros dhedha galloes hag awtorita war oll an dhywolow, ha dhe yaghhe klevesow,

Oberow 17:19

Hag orth y synsi i a'n ledyas dhe'n Areopagus, ow leverel, ‘A yllyn ni godhvos pyth yw an dyskas nowydh ma hag a dherivydh?