Mark 1:24 - An Bibel Kernewek 20234 (Kernewek Kemmyn)

²⁴ ‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Mark 1:24 Iomraidhean Croise

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Eksodus 14:12

A nyns yw hemma an dra a leversyn dhis yn Ejyp, ow leverel, “Gas ni agan honan, may serfyons an Ejyptianys?” Rag gwell via ragon servya an Ejyptianys es merwel y'n gwylvos.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Matthew 8:29

Hag i a armas ow leverel, ‘Pandr'a vynnydh tejy genen ni, A Vab Duw? Osta devedhys omma rag agan tormentya kyns an termyn?’

Mark 1:23

Ha distowgh yth esa yn aga synaga den hag ynno spyrys avlan; hag ev a armas,

Mark 1:25

Ha Yesu a'n koskas, ow leverel, ‘Taw, ha deus yn-mes anodho.’

Mark 10:47

Ha pan glewas bos henna Yesu a Nazareth, ev a dhallathas garma ha leverel, ‘Yesu, Mab Davydh, kemmer truedh ahanav.’

Mark 14:67

ha pan welas hi Peder owth omdoemma, hi a viras orto ha leverel, ‘Ha ty ynwedh, yth eses gans an den a Nazareth, Yesu.’

Mark 16:6

Mes ev a leveris dhedha, ‘Na berthewgh own; hwi a hwila Yesu a Nazareth neb a veu krowsys; drehevys yw, nyns usi omma; awotta'n tyller ma'n gorrsons.

Mark 5:7

hag a armas gans lev ughel ha leverel, ‘Pandr'a vynnydh tejy genev vy, Yesu, ty Vab an Duw Ughella? My a'th konjor a-barth Duw, na wrylli ow thormentya.’

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Luk 4:34

‘Ha! Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn, piw os, an Sans a Dhuw.’

Luk 8:28

Pan welas Yesu, ev a armas, ha koedha a-ragdho, ha leverel gans lev ughel, ‘Pandr'a vynnydh tejy genev vy, Yesu, Mab Duw Ughella? My a'th pys, na wra ow thormentya.’

Luk 8:37

Hag oll an routh a bow an Gadarenys a wre y bysi a'ga gasa, rag dalghennys vons i gans own meur; ytho ev eth yn gorhel ha dehweles.

Yowann 6:69

Ha ni a grys, hag a woer ty dhe vos an Sans a Dhuw.’

Oberow 2:27

rag ny vynnydh gasa ow enev yn ifarn na ri dha Sans dhe weles podredhes.

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 3:14

Mes hwi a naghas an Sans ha Gwiryon, ha govynn moldrer dhe vos grontys dhywgh,

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Jamys 2:19

Ty a grys bos Duw onan. Yn ta y hwre'ta. An dhywolow ynwedh a grys, ha krena.

1 Yowann 2:20

Mes hwi a'gas beus untyans gans an Sans, ha hwi a woer pup-tra.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger: