Malaki 4:4 - An Bibel Kernewek 20234 (Kernewek Kemmyn)

⁴ Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Malaki 4:4 Iomraidhean Croise

Ysay 42:21

Da o gans an Arloedh, dre reson y ewnder, moghhe an lagha ha'y gul gloryus.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:23

Kemmerewgh with, ma na ankeffowgh kevambos an Arloedh agas Duw a wrug genowgh, ha gul ragowgh agas honan imaj gravys yn hevelep neppyth a wrug an Arloedh dha Dhuw y dhifenn orthis.

Dewteronomi 5:2

An Arloedh agan Duw a wrug genen kevambos orth Horeb.

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.