Malaki 4:3 - An Bibel Kernewek 20234 (Kernewek Kemmyn)

³ Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Malaki 4:3 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

2 Samuel 22:39

My a's brew ma na allons sevel; i a goedh yn-dann ow threys.

2 Samuel 22:43

My a's brew munys avel doust an dor; my a's trett yn-dann dreys avel leys an stretys.

Job 40:12

Mir orth peub yw goethus, ha'y iselhe; ha stankya war an debeles ple'mons ow sevel.

Salmow 147:6

An Arloedh a skoedh an re hwar, hag a iselha an debeles dhe'n leur.

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Salmow 91:13

Ty a drett yn-dann dreys an lew ha'n nader, ty a stank war an lew yowynk ha'n dhragon.

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 26:6

An troes a's trett, treys an den truan, pasys an voghosogyon.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Ezekiel 28:18

Y'th lies kammhynseth, yn anewnder dha genwerth, ty a dhisakras dha sentris. Ytho my a dhros tan yn-mes dhiworthis; ev a'th tybris, ha my a'th treylyas dhe lusu war an dor yn golok pubonan a'th welas.

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 14:20

Ha'n winwask a veu trettys a-ves dhe'n sita, ha goes a dheuth yn-mes a'n winwask, mar ughel avel fronnow an vergh, rag mil erowhys ha hwegh kans.