Malaki 4:1 - An Bibel Kernewek 20234 (Kernewek Kemmyn)

¹ Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Malaki 4:1 Iomraidhean Croise

Job 18:16

Y wreydh yw desyghys yn-danno, ha'y skorr a wedher a-ughto.

Salmow 119:119

Ty a syns oll tebeles an nor dhe vos plosedhes; rakhenna my a gar dha dhustuniow.

Salmow 37:9

Rag drogoberoryon a vydh treghys dhe-ves, mes an re a drest y'n Arloedh, i a erit an tir.

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 41:2

Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.

Ysay 47:14

Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Ezekiel 21:32

Y fydhydh keunys rag an tan, dha woes a vydh yn kres an tir; ny vydhydh kovhes na fella, rag my an Arloedh re gewsis.

Ezekiel 24:11

Ena sett an chek gwag war an regydh rag may fo poeth, ha'y gober leskys, may teuttho y avlander a-berth ynno, ha may fo y wossen konsumys.

Ezekiel 34:17

Ha hwi, ow deves, yndellma y lever an Arloedh Duw: Ottavy ow preusi ynter unn dhavas ha davas arall, yntra hordhes ha boghes.

Ezekiel 7:10

Otta an jydh! Otta re dheuth! An vreus res eth yn-mes; an welenn re vleujyowas, balghder re eginas.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Obadia 1:18

Chi Yakob a vydh tan, ha chi Yosep a vydh flamm; chi Esaw a vydh sowl, hag i a worr tan ynna ha'ga devorya. Ny vydh denvyth gesys a ji Esaw, rag an Arloedh re gewsis.

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Sefania 1:14

Ogas yw dydh meur an Arloedh, ogas, hag ow tos pur uskis, lev dydh an Arloedh yw hwerow: ena an kasor a skrij.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Zekaria 14:1

Awotta, dydh a dheu rag an Arloedh, may fo rynnys dha breydh a-berth ynnos.

Malaki 3:15

Mes lemmyn ni a elow an re orgelus gwynnvys. Devri, drogoberoryon re sewenis, hag ynwedh an re a dhefias Duw a dhienkas.’

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Malaki 3:2

Mes piw a yll perthi dydh y dhevedhyans? Piw a yll sevel pan omdhiskwa? Rag ev a vydh avel tan an purheor, avel sebon an troghyer.

Malaki 3:3

Ev a esedh dhe lanhe ha dhe burhe arghans; ev a wra glanhe mebyon Levi hag ev a's purha avel owr hag arghans, hag i a dhre dhe'n Arloedh offrynn yn ewnder.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Luk 19:43

Rag an dydhyow a dheu warnas, pan dhrehav dha eskerens tommenn er dha bynn hag i a omsett a-dro dhis ha'th stroetha a bub tu;

Luk 21:20

‘Mes pan welowgh Yerusalem settys a-dro gans luyow, ena hwi a woer hi dhe vos difeythys yn skon.

Luk 6:23

lowenhewgh y'n jydh na, ha lemmewgh gans heudhder, rag otta, meur yw agas gober yn nev; rag y'n keth vaner y hwre aga thasow dhe'n brofoesi.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.