Malaki 3:7 - An Bibel Kernewek 20234 (Kernewek Kemmyn)

⁷ A-dhia dhydhyow agas tasow, hwi a dhibarthas a'm gorhemmynnow, ha ny wrussowgh aga obaya. Dehwelewgh dhymmo vy ha my a dhehwel dhywgh, yn-medh Arloedh an luyow. Hwi a lever, ‘Fatell dhehwelyn?’

Malaki 3:7 Iomraidhean Croise

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Yeremia 16:11

ena ty a lever dhedha: Drefenn agas tasow dhe'm forsakya, yn-medh an Arloedh, ha kerdhes gans duwow erell, ha'ga servya i, ha'ga gordhya i, ha'm forsakya, ha ny withsons ow lagha;

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 7:25

A-dhia'n jydh may teuth agas tasow yn-mes a bow Ejyp bys y'n jydh hedhyw, my re dhannvonas dhywgh oll ow servysi an brofoesi, orth aga dannvon dydh wosa dydh;

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Ezekiel 2:3

Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 20:8

Mes i a rebellyas er ow fynn ha ny vynnsons goslowes dhymm; ny wrug nagonan tewlel dhe-ves an taklow kasadow esa a-rag aga dewlagas, ha ny forsaksons idolys Ejyp. Ena yn-medhav, My a dhiver ow honnar warnedha, ow kowlwul ow sorr er aga fynn yn kres pow Ejyp.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 3:13

Hwi re gewsis geryow hwerow er ow fynn, yn-medh an Arloedh. Hwath hwi a lever, ‘Fatell gewssyn er dha bynn?’

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Luk 15:16

hag ewl a'n jevo a dhybri y walgh a'n plisk-karob a wre an mogh aga dybri, mes denvyth ny's ros dhodho.

Romanyon 10:21

Mes dhe Ysrael ev a lever, ‘Oll an jydh yth ystynnen ow diwleuv dhe bobel dhiwostydh ha gorth.’

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 7:9

Ow pewa yth esen a-der an lagha, mes pan dheuth an gorhemmynn, dasserghi a wrug pegh,

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.