Malaki 3:5 - An Bibel Kernewek 20234 (Kernewek Kemmyn)

⁵ Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Malaki 3:5 Iomraidhean Croise

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 31:12

henna y fia tan ow leski bys yn Abaddon hag ev a leska ow askorr bys y'n gwreydhyow.

Job 7:2

Kepar ha kethwas neb a'n jeves hwans a skeus, ha kepar hag arvethesik a hwila y wober,

Salmow 36:1

Kammweythres a gews dhe'n tebelwas a-bervedh yn y golonn nyns eus own Duw a-dherag y dhewlagas.

Salmow 81:8

Klew, ow fobel, ha my a dheg dustuni dhis; A Ysrael, unnweyth a koslewes orthiv!

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Eksodus 1:17

Ha'n gwelivedhesow a borthas own a Duw, ha ny wrussons par dell gewssa dhedha myghtern Ejyp, mes gwitha an vebyon yn few;

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 20:7

Na gemmer hanow an Arloedh dha Dhuw yn euver; rag ny wra an Arloedh y asa heb kessydhyans neb a gemmer y hanow yn euver.

Eksodus 22:20

Piwpynag a offrynno dhe neb duw marnas dhe'n Arloedh, a vydh sakrys dhe dhistruyans.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ysay 57:3

Mes dewgh nes omma, hwi vebyon koelyoges, has avoutrer ha hora!

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 27:10

Rag i a brofoes gow dhywgh, may fydhowgh gorrys pell dhiworth agas tir; my a'gas fes yn-mes, ha hwi a dhe goll.

Yeremia 27:9

Ytho, na woslowewgh orth agas profoesi, na'gas koelyogyon, na'gas hunrosysi, na'gas hudoryon, na'gas pystrioryon, a gews dhywgh, ow leverel, ‘Ny servyowgh myghtern Babylon.’

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Yeremia 42:5

Ena i a leveris dhe Yeremia, ‘Re bo an Arloedh gwir dhustunier ha len er agan pynn mar ny wren war-lergh pup-tra a dhannvon dhyn an Arloedh dha Dhuw dredhos.

Yeremia 5:2

Kyn leverons, ‘Dell vew an Arloedh’, yn sur i a de yn fals.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Levitikus 20:10

Ha'n gour a wra avoutri gans gwreg gour arall, neb a wra avoutri gans gwreg y gentrevek, a vydh gorrys dhe'n mernans yn sur, ha'n avoutrer ha'n avoutres.

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Mika 1:2

Klewewgh, hwi boblow oll! Goslow, A norvys, ha pup-tra eus ynno! Bedhes an Arloedh Duw test er agas pynn, an Arloedh a'y dempel sans.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Zekaria 11:12

My a leveris dhedha, ‘Mars yw agas bodh, rewgh vy ow gober; ha mar nyns yw agas bodh, na rewgh.’ Ytho i a boesas ow gober, deg bath warn ugens a arghans.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:14

Hwi a lever, ‘Prag?’ Rag an Arloedh yw test yntra jy ha gwreg dha yowynkneth, a-ban derrsys fydh gensi, kynth yw hi dha gowethyades, an wreg a'th kevambos demmedhyans.

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Luk 23:40

Mes an arall a worthybis, hag a'n keredhis ow leverel, ‘A ny'th eus own a Dhuw, ha ty yn-dann an keth vreus?

Romanyon 3:8

Ha prag na wrer drog rag may teffo da? – dell y'gan kuhudh nebes ni dhe leverel yn unn sklandra. Aga dampnya yw teg.

Dewteronomi 15:13

Ha pan y'n dannvenydh dhiworthis rydh, ny'n dannvenydh dhe-ves gwag y dhiwla.

Dewteronomi 18:10

Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

Dewteronomi 5:11

Na gemmer hanow an Arloedh dha Dhuw yn euver, rag ny wra an Arloedh y asa heb kessydhyans neb a gemmer y hanow yn euver.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Jamys 5:12

Mes dres oll, ow breder, na liewgh na re'n nev, na re'n dor na gans li vydh arall, mes bedhes agas ‘Ya’ ya, ha'gas ‘Na’ na, ma na goetthowgh yn-dann vreus.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.