Malaki 3:16 - An Bibel Kernewek 20234 (Kernewek Kemmyn)

¹⁶ Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Malaki 3:16 Iomraidhean Croise

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

2 Samuel 7:1

Lemmyn pan esa an myghtern trigys yn y ji, ha'n Arloedh re rosa dhodho powes dhiworth oll y eskerens a-derdro,

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

1 Myghternedh 18:3

Ahab a elwis Obadia, governour y ji. Yth esa Obadia owt perthi own a'n Arloedh yn feur;

2 Kroniklys 6:7

Y feu yn kolonn ow thas Davydh drehevel chi rag hanow an Arloedh, Duw Ysrael.

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Ester 2:23

Pan veu gwrys hwithrans a-dro dhe'n mater, ha kevys veu bos yndella, kregys vons i aga dew war wydhenn: ha skrifys veu yn lyver an kovadhow a-dherag an myghtern.

Ester 6:1

Y'n nos na, ny allas an myghtern koska, hag ev a erghis kyrghes lyver an kovadhow, skrifow an dydhyow, ha lennys vons a-dherag an myghtern.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Salmow 104:33

My a gan dhe'n Arloedh hedre vewiv; my a wormel ow Duw ha my hwath yn few.

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 115:13

Ev a vennik an re a berth own a'n Arloedh, kekeffrys byghan ha bras.

Salmow 119:63

Koweth ov vy dhe seul a'th own hag a syns dha arghadowyow.

Salmow 139:4

Rag nyns eus ger war ow thaves heb ty, A Arloedh, dh'y wodhvos yn tien.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 33:18

Otta, yma lagas an Arloedh war an re a berth own anodho, war an re a drest yn y dregeredh;

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 56:8

Ty re verkyas ow gwandrans; gorr ow dagrow y'th votell. A nyns yns i skrifys y'th lyver?

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 66:16

Dewgh ha klewewgh, oll hwi a berth own a Dhuw, ha my a dheriv an pyth a wrug ev rag ow enev.

Salmow 94:19

Yn prederow pals a-bervedh ynnov, dha hebaska a lowenha ow enev.

Eksodus 32:32

Mes lemmyn, mar mynnydh gava aga fegh – ha mar ny vynnydh, gwra ow defendya, my a'th pys, yn-mes a'th lyver re skrifsys.’

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 65:6

Ottava skrifys a-ragov: Ny dawav, mes devri my a attal; my a attal yn aga askra

Yeremia 31:18

Yn hwir my re glewas Efraym ow pledya: ‘Ty a'm kessydhyas, ha my a gemmeras an geredh, avel lodhen na veu dyskys dhe'n yew. Treyl dhymm, ha my a vydh treylys, rag ty yw an Arloedh ow Duw.

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Luk 2:38

Ha hi a dheuth nes y'n pols na ha grassa dhe Dhuw, ha kewsel anodho dhe beub a worta daspren Yerusalem.

Oberow 1:13

Ha pan entersens, i eth yn-bann dhe stevell an soler mayth esens i trigys, Peder ha Yowann ha Jamys hag Androw, Felip ha Tommas, Bertyl ha Matthew, Jamys mab Alfeus ha Simon Zelotes ha Yudas mab Jamys.

Oberow 10:2

gour kryjyk, neb a'n jeva own a Dhuw gans y vayni oll, ow ri alusenow yn hel dhe'n bobel ha prest ow pysi war Dhuw.

Oberow 2:1

Pan dhothya dy' Fenkost, yth esens i oll war-barth y'n keth tyller,

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Efesianys 5:19

ow kewsel an eyl orth y gila yn salmow ha hymnys ha kanow spyrysel, ow kana hag ow kul melodi yn agas kolonn dhe'n Arloedh;

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Ebrowyon 10:24

hag ombrederyn fatell ynniyn an eyl y gila dhe gerensa hag oberow mas,

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.