Malaki 3:12 - An Bibel Kernewek 20234 (Kernewek Kemmyn)

¹² Ena oll an kenedhlow a wra agas gelwel gwynnvys, drefenn hwi dhe vos gwlas dhesiradow, yn-medh Arloedh an luyow.

Malaki 3:12 Iomraidhean Croise

2 Kroniklys 32:23

Lies a dhros offrynnow dhe'n Arloedh yn Yerusalem ha rohow fethus dhe Hezekia myghtern Yuda. Wosa henna y feu ughelhes yn golok oll an kenedhlow.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Daniel 11:41

Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon.

Daniel 8:9

Ha dhiworth onan anedha y teuth yn-mes korn byghan, a devis dres eghenn war-tu ha'n dhyghowbarth, war-tu ha'n howldrehevel, ha war-tu ha'n tir splann.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Malaki 3:13

Hwi re gewsis geryow hwerow er ow fynn, yn-medh an Arloedh. Hwath hwi a lever, ‘Fatell gewssyn er dha bynn?’

Luk 1:48

rag ev re viras war uvelder y vaghteth. Rag otta, alemma rag oll an henedhow a'm gelow gwynnvys;

Dewteronomi 11:12

tiredh yw bern dhe'n Arloedh dha Dhuw; yma dewlagas an Arloedh dha Dhuw warnodho pup-prys, dhiworth dalleth an vlydhen bys yn diwedh an vlydhen.