Malaki 3:11 - An Bibel Kernewek 20234 (Kernewek Kemmyn)

¹¹ My a wra keredhi an hes a dhevor ragowgh hwi ma na dhistru an frut a'gas tir, ha'n gwinbrenn y'n gwel ny vydh heb frut, yn-medh Arloedh an luyow.

Malaki 3:11 Iomraidhean Croise

Yeremia 8:13

My a's kuntell yn leun, yn-medh an Arloedh: ny vydh gwinreun war an gwinbrenn, na ny vydh figys war an figbrenn, ha'n del a wedher; ha'n pyth a res dhedha a dremen a-dhiworta.

Hosea 2:21

Y'n jydh na my a worthyp, yn-medh an Arloedh, my a worthyp dhe'n nevow, hag i a worthyp dhe'n nor.

Yoel 1:12

Desyghys yw an gwinbrenn, ha'n figbrenn a wannha; an reunavalwydhenn, an balmwydhenn ynwedh, ha'n avalwydhenn, devri oll gwydh an gwel: yw gwedhrys; rag gwedhrys yw lowena a-dhiworth mebyon den.

Yoel 1:4

An pyth a asas an lokust yowynk an hes a lokustes re'n dybris; ha'n pyth a asas an hes, an lokust diaskell re'n dybris; ha'n pyth a asas an lokust diaskell an lokust distruel re'n dybris.

Yoel 1:7

Hi re dhifeythyas ow gwinbrenn, ha terri ow figbrenn; hi re'n diruskas glan ha'y dewlel dhe-ves; y skorrennow yw gwrys gwynn.

Yoel 2:20

Ha my a bellha dhiworthowgh lu an kledhbarth, ha'y fesya yn syghtir ha difeyth, gans y fas troha mor an est, ha'y dhelergh troha mor an howlsedhes; ha'y fler a wra drehevel, ha'y flerynsi a dheu yn-bann. Rag ev re wrug taklow bras.

Yoel 2:22

Na berthewgh own, hwi vestes an gwel: rag peurvaow an gwylvos yw gwyrdh; an wydhenn a dheg hy frut, an figbrenn ha'n gwinbrenn a re aga nerth.

Yoel 2:25

My a astiver dhywgh an blydhynyow a wrug hes an lokustes aga dybri, an lokust diaskell, an lokust distruel, ha'n lokust yowynk, ow lu bras a dhannvenis yn agas mysk.

Amos 4:9

My a'gas gweskis gans kleves losk ha kleves melynheans y'n ys; agas lowarthyow ha gwinlannow pals, agas figbrennyer ha'gas olewbrennyer a veu dybrys gans an lokust yowynk; byttegyns ny dhehwelsowgh dhymm, yn-medh an Arloedh.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Haggay 1:11

Ha my a elwis rag syghor war an tir, war an menydhyow, ha war an ys, war an gwin nowydh, ha war an oyl, ha war an pyth a wra an dor y dhri mes, war dus, ha war warthek ha war oll an askorr a lavur diwleuv.

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.