Malaki 2:9 - An Bibel Kernewek 20234 (Kernewek Kemmyn)

⁹ Ytho my a'gas kawsyas dhe vos dispresys hag iselhes a-rag oll an bobel, a-ban na withsowgh ow fordhow mes hwi a dhiskwa faverans y'n lagha.

Malaki 2:9 Iomraidhean Croise

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

Job 32:21

Ny dhiskwedhav favour dhe dhenvyth na ny rov hanow a enor dhe dhenvyth.

Lavarow Koth 10:7

Kovadh an den gwiryon yw bennath, mes hanow an debeles a boder.

Lavarow Koth 12:8

Gour yw kommendys herwydh y dhoethter, mes den a vrys treus yw dispresys.

Ezekiel 13:21

My a derr dhe-ves agas kudhlennow ha sawya ow fobel dhiworth agas leuv, ha ny vydhons namoy yn agas leuv avel preydh. Ena hwi a woer my dhe vos an Arloedh.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Nahum 3:6

My a dewl mostedhes warnas, ha'th tespitya, ha gul ensampel ahanas.

Malaki 2:3

Awotta my a wra keredhi an has a'gas govis; my a wra lesa kawgh war agas fasow, kawgh agas dy'goelyow, ha hwi a vydh kemmerys dhe-ves ganso.

Malaki 2:8

Ha hwi a dreylyas a-dhiworth an fordh ha gul dhe lies trebuchya y'n lagha; hwi a dhefolas an kevambos gans Levi, yn-medh Arloedh an luyow.

Luk 10:29

Mes ev, ow mynnes justifia y honan, a leveris dhe Yesu, ‘Ha piw yw ow hentrevek?’

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Galatianys 2:6

Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.