Malaki 2:12 - An Bibel Kernewek 20234 (Kernewek Kemmyn)

¹² An Arloedh re droggho dhe-ves a-dhiworth tyldow Yakob an gour a wra hemma, an test ha'n pledyas, hag ev neb a dhre offrynn dhe Arloedh an luyow.

Malaki 2:12 Iomraidhean Croise

1 Kroniklys 25:8

I a dewlis prennyer rag aga deverow, byghan ha bras, dyskador ha dyskybel kekeffrys.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Ezekiel 14:10

I a berth kessydhyans aga anewnder – kessydhyans an govynner ha kessydhyans an profoes a vydh kehaval –

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Levitikus 18:29

Peub a wrello taklow kasadow a'n par ma, an re a's gwra a vydh treghys dhe-ves dhiworth aga fobel.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Zekaria 12:7

An Arloedh a wra sawya tyldow Yuda wostalleth, rag na vo enor chi Davydh ha trigoryon Yerusalem brassa ages Yuda.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Malaki 1:13

Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys, hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh.

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Niverow 24:5

Ass yw teg agas tyldow, A Yakob, agas kampvaow, A Ysrael!

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

1 Samuel 3:14

Rakhenna my a dos ti dhe ji Eli, na vydh kammweyth chi Eli dasprenys gans sakrifis na offrynn bys vykken.’