Malaki 2:10 - An Bibel Kernewek 20234 (Kernewek Kemmyn)

¹⁰ A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Malaki 2:10 Iomraidhean Croise

Nehemia 13:29

Porth kov anedha, ow Duw, drefenn i dhe dhefola an oferyaseth, ha kevambos an oferyaseth ha'n Levysi.

Job 31:15

A ny wrug ev neb a'm gwrug vy y'n dorr, aga gul i ynwedh? Hag a ny wrug an keth Duw agan formya y'n brys?

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Eksodus 19:4

Hwi re welas an pyth a wrug vy dhe'n Ejyptianys, ha fatell y's dug war eskelli eryon ha'gas dri dhymm ow honan.

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Eksodus 24:7

Ena ev a gemmeras lyver an kevambos, ha'y lenna yn dewlagas an bobel; hag i a leveris, ‘Oll re gewsis an Arloedh, ni a'n gwra, ha ni a vydh gostydh.’

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:15

My yw an Arloedh, agas Sans, formyer Ysrael, agas myghtern.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Ezekiel 33:24

Mab den, an re trigys y'n magoryow na yn pow Ysrael a lever, ‘Abraham o onan hag ev a eritas an tir, mes ni yw lies, dhyn ni re beu an tir res avel eretons.’

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:11

Yuda re beu dislen, ha neppyth kasadow re beu gwrys yn Ysrael ha Yerusalem: rag Yuda re dhisakras an sentri a wra an Arloedh y gara, ha re dhemmedhis an vyrgh a dhuw astranj.

Malaki 2:8

Ha hwi a dreylyas a-dhiworth an fordh ha gul dhe lies trebuchya y'n lagha; hwi a dhefolas an kevambos gans Levi, yn-medh Arloedh an luyow.

Matthew 10:21

Broder a dhaskorr broder dhe'n mernans ha'n tas y flogh, ha fleghes a sev erbynn kerens ha gul dhedha bos ledhys.

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 3:9

ha na dybewgh leverel dh'agas honan, “Yma dhyn Abraham yn tas.” Rag my a lever dhywgh y hyll Duw drehevel fleghes dhe Abraham yn-mes a'n veyn ma.

Luk 1:73

an ti a dos orth Abraham agan tas: ev dhe wrontya dhyn ni

Luk 3:8

Ytho, degewgh frut gwiw rag edrek ha na dhallethewgh leverel, “Ni a'gan beus Abraham dh'agan tas.” Rag my a lever dhywgh, Duw dhe alloes drehevel fleghes dhe Abraham dhiworth an meyn ma.

Yowann 8:39

I a worthybis ha leverel dhodho, ‘Abraham yw agan tas.’ Yn-medh Yesu dhedha, ‘Mar pewgh fleghes Abraham, hwi a wrussa oberow Abraham.

Yowann 8:41

Hwi a wra oberow agas tas.’ Ena i a leveris dhodho, ‘Nyns on ni dineythys dre fornikasyon. Yma dhyn unn Tas, Duw.’

Yowann 8:53

Osta brassa es agan tas Abraham, neb a verwis? Ha'n brofoesi a verwis. Piw yth omwredh ty dhe vos?’

Yowann 8:56

Abraham agas tas a lowenhas dhe weles ow dydh; ev a'n gwelas, ha lowen veu.’

Oberow 17:24

An Duw neb a formyas an bys ha pup-tra ynno, neb yw Arloedh nev ha nor, ny drig yn templow gwrys gans diwla den,

Oberow 17:25

na nyns yw servys gans diwla den kepar ha pan ve dhodho edhomm a neppyth, rag ev a re bewnans hag anall ha pup-tra dhe bub den oll;

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Oberow 7:2

Hag yn-medh ev: ‘Breder ha Tasow, goslowewgh. An Duw a wolewder a omdhiskwedhas dhe Abraham hag ev yn Mesopotamia, kyns ev dhe driga yn Haran,

Oberow 7:26

Ha ternos ev a omdhiskwedhas dhedha, hag i owth omladh, hag ev a assayas aga unnverhe yn kres, ow leverel, “Gwer, breder owgh hwi; prag y kammdhyghtyowgh an eyl y gila?”

Romanyon 4:1

Pandr'a leveryn ytho y hwrug Abraham y gavoes, agan hendas war-lergh an kig?

Romanyon 9:10

Ha ny veu yndella yn unnsel, mes ynwedh pan omdhegsa Rebeka gans unn gour, agan hendas, Ysak,

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Efesianys 4:6

unn Duw ha Tas a bub den oll, neb usi a-ugh pub den oll, ha dre bub den oll hag yn pub den oll.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?

Yoshua 24:3

Ha my a gemmeras agas tas Abraham dhiworth tu arall an avon ha my a'n hembronkas der oll pow Kanan hag ynkressya y has, ha ri dhodho Ysak;