Malaki 2:1 - An Bibel Kernewek 20234 (Kernewek Kemmyn)

¹ Ha lemmyn, an gorhemmynn ma yw ragowgh hwi, A oferysi.

Malaki 2:1 Iomraidhean Croise

Yeremia 13:13

Ena ty a lever dhedha: Yndellma y lever an Arloedh: Otta, my a wra lenwel oll annedhysi an tir ma, hwath an vyghternedh esedhys war dron Davydh, ha'n oferysi, ha'n brofoesi, hag oll annedhysi Yerusalem, gans medhwynsi.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.