Malaki 1:4 - An Bibel Kernewek 20234 (Kernewek Kemmyn)

⁴ Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Malaki 1:4 Iomraidhean Croise

Job 12:14

Mar tewl ev dhe'n dor, ny yll denvyth dastrehevel; mar tege ev gour a-bervedh, ny yllir igeri.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Salmow 127:1

Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas.

Salmow 137:7

Porth kov, A Arloedh, a vebyon Edom yn dydh Yerusalem, fatell lavarsons, ‘Diswrewgh hi, diswrewgh hi, bys dh'y selyow.’

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 11:14

I a nij yn-nans war skoedh an Filistysi yn howlsedhes; war-barth i a byll mebyon an howldrevel. I a ystynn aga leuv erbynn Edom ha Moab, ha an Ammonysi a vydh aga sojets.

Ysay 34:10

Ny vydh difeudhys nos na dydh; hy mog a yskynn bys vykken. Hi a vydh magor a henedh dhe henedh; nagonan ny dremen dresti trank heb worfenn.

Ysay 34:5

Rag ow kledha re evas y walgh yn nev; otta, ev a dhiyskynn war Edom, ha war bobel a wrugavy aga sakra rag breus.

Yeremia 31:17

yma govenek y'th tiwedh, yn-medh an Arloedh: dha fleghes a dhehwel dh'aga bro aga honan.

Yeremia 49:20

Ytho klewewgh kusul an Arloedh erbynn Edom ha'y dowlow re formyas erbynn annedhysi Teman: Yn sur an lyha a'n flokk a vydh draylys dhe-ves; yn sur ev a wra aga feurva ynyal ragdha.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Yeremia 49:8

Fiewgh, treylyewgh agas keyn, trigewgh isel, annedhysi Dedan! Rag my a dhre terroes Esaw warnodho, pan y'n kessydhyav.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Ezekiel 11:10

Hwi a goedh der an kledha; yn oryon Ysrael my a'gas breus. Ena hwi a woer my dhe vos an Arloedh.

Ezekiel 25:13

rakhenna yndellma y lever an Arloedh Duw, My a ystynn ow leuv erbynn Edom, ha treghi dhiworto den ha best; ha my a'n gwra tyller a vagoryow; dhiworth Teman bys Dedan i a goedh der an kledha.

Ezekiel 25:14

My a dal ow dial war Edom dre leuv ow fobel Ysrael, hag i a wra yn Edom war-lergh ow sorr ha'm konnar; hag i a woer ow dial, yn-medh an Arloedh Duw.

Ezekiel 26:14

My a'th wra karrek lomm; ty a vydh tyller rag lesa roesow. Ny vydhydh nevra dastrehevys, rag my an Arloedh re gewsis, yn-medh an Arloedh Duw.

Ezekiel 35:4

My a wra dha sitys magoryow, ha ty a vydh difeyth, ha ty a woer my dhe vos an Arloedh.

Ezekiel 35:9

My a'th wra ynyalder bys vykken, ha ny vydh dha sitys annedhys. Ena hwi a woer my dhe vos an Arloedh.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Amos 3:15

Brewi a wrav an gwavos war-barth gans an havos, ha mos dhe goll a wra an chiow a dhans olifans, ha distruys vydh an chiow bras, yn-medh an Arloedh.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Amos 6:11

Rag otta, an Arloedh a worhemmynn, hag ev a wysk an chi bras yn magoryow, ha'n chi byghan a vydh terrys dhe demmyn.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Obadia 1:1

Gwelesigeth Obadia. Yndellma y lever an Arloedh Duw a-dro dhe Edom: Ni re glewas nowodhow dhiworth an Arloedh, ha kannas re beu dannvenys yn mysk an kenedhlow: ‘Sevewgh hwi, ha sevyn ni er hy fynn rag an gas.’

Obadia 1:10

Drefenn an ladhva ha'n garowder gwrys erbynn dha vroder Yakob, meth a wra dha gudha, ha ty a vydh treghys dhe-ves bynitha.

Malaki 1:3

mes kasa Esaw, ha treylya y vro venydhyek dhe dhifeyth ha gasa y eretons dhe owrgeun an gwylvos.

Matthew 12:30

Neb nag yw genev, er ow fynn yma, ha neb na guntell genev, skoellya y hwra.