Malaki 1:11 - An Bibel Kernewek 20234 (Kernewek Kemmyn)

¹¹ Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Malaki 1:11 Iomraidhean Croise

1 Kroniklys 16:25

Rag meur yw an Arloedh, ha pur wiw yw y wormel; res yw perthi own anodho dres oll duwow.

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 113:3

Dhiworth an howldrevel bys y'n howlsedhes gormelys yw hanow an Arloedh.

Salmow 138:5

Hag i a gan a fordhow an Arloedh, rag meur yw golewder an Arloedh.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 45:17

My a wra dhe govadh dha hanow durya a unn henedh dhe'n nessa; rakhenna poblow a'th wormel bys vykken ha bynnari.

Salmow 48:10

Kepar dell yw dha hanow, A Dhuw, yndella yw dha wormola, bys yn pennow an nor; dha leuv dhyghow yw leun a ewnder.

Salmow 48:11

Lowenhes menydh Sion, bedhes myrghes Yuda heudhik drefenn dha vreusow jy.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 65:9

Ty a vir orth an nor ha'y dhowra, ty a wra dh'y feythter ynkressya; avon Duw yw leun a dhowr; ty a brovi ys ragdha, rag yndella ty re'n darbaris.

Salmow 67:2

Rag may fo dha fordh aswonnys war an nor, dha selwyans yn mysk oll an kenedhlow.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Salmow 96:8

Askrifewgh dhe'n Arloedh an gordhyans a dhegoedh dh'y hanow; drewgh offrynn, ha dewgh yn y glosyow.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 12:5

Kenewgh dhe'n Arloedh, rag ev re wrug oberow bryntin; gwra hemma godhvedhys yn oll an norvys.

Ysay 19:21

An Arloedh a wra y honan aswonnys dhe Ejyp, hag Ejyp a aswonn an Arloedh y'n jydh na, ha gul sakrifisow hag offrynnow greun; i a ambos ambosow dhe'n Arloedh ha'ga hewera.

Ysay 30:27

Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 45:6

rag may hwodhvons, dhiworth an howldrehevel ha dhiworth an howlsedhes, nag eus nagonan a-der my, my yw an Arloedh ha nyns eus ken.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Amos 9:12

may perghennons an remenant a Edom ha'n kenedhlow oll may feu ow hanow gelwys warnedha, yn-medh an Arloedh neb a wra hemma.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Zekaria 8:7

Yndellma y lever Arloedh an luyow: My a wra sawya ow fobel a-dhiworth bro an howldrevel ha bro an howlsedhes.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Malaki 3:3

Ev a esedh dhe lanhe ha dhe burhe arghans; ev a wra glanhe mebyon Levi hag ev a's purha avel owr hag arghans, hag i a dhre dhe'n Arloedh offrynn yn ewnder.

Niverow 7:74

unn skudell a owr a dheg shekel, leun a ynkys;

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Matthew 8:11

Ha my a lever y teu meur a dus dhiworth an howldrevel ha'n howlsedhes hag esedha orth moes gans Abraham hag Ysak ha Yakob yn gwlaskor nev,

Luk 1:10

hag yth esa oll routh an bobel ow pysi a-ves yn offrynn ynkys.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

2 Thessalonianys 1:12

may fo gordhys hanow agan Arloedh Yesu ynnowgh hwi, ha hwi ynno ev, war-lergh gras agan Duw ha'n Arloedh Yesu Krist.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.