Luk 9:5 - An Bibel Kernewek 20234 (Kernewek Kemmyn)

⁵ Ha seul na wra agas wolkomma, pan yllowgh yn-mes a'n sita na, shakyewgh an doust a-dhann agas treys yn dustuni er aga fynn.’

Luk 9:5 Iomraidhean Croise

Nehemia 5:13

Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Matthew 10:18

ha hwi a vydh dres a-rag governours ha myghternedh a'm govis vy yn dustuni dhedha ha dhe'n Jentilys.

Mark 6:11

Ha py tyller pynag na vynno agas degemmeres, na'gas klewes, pan yllowgh alena, shakyewgh dhe-ves an doust a-dhann agas treys yn dustuni er aga fynn.’

Mark 9:37

‘Piwpynag a dhegemmerro onan a'n fleghes a'n par ma yn ow hanow vy, a'm degemmer vy, ha piwpynag a'm degemmerro, ny'm degemmer vy, saw ev neb a'm dannvonas.’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Luk 5:14

Hag ev a worhemmynnis dhodho, na lavarra dhe dhenvyth; ‘Mes ke dhe omdhiskwedhes dha honan dhe'n oferyas, ha gwra offrynn rag dha lanheans kepar dell worhemmynnis Moyses, yn dustuni dhedha.’

Luk 9:4

Ha py chi pynag a dhyffowgh ynno, trigewgh ena bys pan omdennewgh alena.

Luk 9:48

ha leverel dhedha, ‘Neb a dhegemmerro an flogh ma yn ow hanow vy a'm degemmer vy; ha neb a'm degemmerro vy, a'n degemmer ev neb a'm dannvonas; rag neb yw an byghanna yntredhowgh, meur yw ev.’

Oberow 13:51

Mes i a shakyas an doust dhiworth aga threys er aga fynn, ha dos dhe Ikonium.

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’