Luk 9:34 - An Bibel Kernewek 20234 (Kernewek Kemmyn)

³⁴ Hag ev ow leverel hemma kommolenn a dheuth ha tewlel skeus warnedha; hag i a borthas own pan ethons y'n gommolenn.

Luk 9:34 Iomraidhean Croise

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Daniel 10:8

Ytho y feuv gesys ow honan, ow kweles fisment a veu treylys warnav dhe dhiswrians, ha ny'm bo nerth namoy.

Luk 9:33

Ha pan esens ow tiberth dhiworto Peder a leveris dhe Yesu, ‘Mester, da yw ni dhe vos omma; gwren drehevel teyr skovva, onan ragos jy hag onan rag Moyses hag onan rag Elias’, heb godhvos pandra esa ow leverel.

Luk 9:35

Ha lev a dheuth yn-mes a'n gommolenn ow leverel, ‘Hemm yw ow Mab dewisys, klewewgh ev.’

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’

Breusysi 6:22

Ena Gideon a wodhya henna dhe vos el an Arloedh, ha Gideon a leveris, ‘Gweres vy, Arloedh Duw! Rag my re welas el an Arloedh fas orth fas.’