Luk 8:47 - An Bibel Kernewek 20234 (Kernewek Kemmyn)

⁴⁷ Ha'n venyn, pan welas hi dhe vos diskudhys, a dheuth yn unn grena ha wosa koedha a-dheragdho hi a dherivas a-rag oll an dus prag y hwrug hi y dochya, ha fatell via hi yaghhes a-dhesempis.

Luk 8:47 Iomraidhean Croise

Salmow 2:11

Servyewgh an Arloedh gans own, ha lowenhewgh gans krena.

Salmow 38:9

A Arloedh, yma oll ow yeunes a-dheragos; ha nyns yw ow hanas kudhys ragos.

Salmow 66:16

Dewgh ha klewewgh, oll hwi a berth own a Dhuw, ha my a dheriv an pyth a wrug ev rag ow enev.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Hosea 13:1

Pan gewsi Efraym, yth esa krena; yth omughelhas yn Ysrael; mes pan beghas gans Baal ev a verwis.

Hosea 5:3

My a aswonn Efraym, hag Ysrael nyns yw kudhys ragov: rag lemmyn ty re wrug fornikasyon, A Efraym, hag Ysrael yw defolys.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Matthew 28:8

Hag i a omdennas uskis dhiworth an bedh gans own ha lowena veur, ha poenya dhe ri derivadow dh'y dhyskyblon.

Mark 5:33

Mes an venyn, gans own hag ow krena, ow kodhvos pandr'a veu dhedhi gwrys, a dheuth ha koedha dhe'n dor a-ragdho, ha derivas dhodho an gwiryonedh oll.

Luk 8:46

Mes Yesu a leveris, ‘Nebonan re'm tochyas, rag my a woer galloes dhe vos gyllys ahanav.’

Luk 8:48

Ev a leveris dhedhi, ‘Myrgh, dha fydh re'th sawyas; ke yn kres.’

Oberow 16:29

Hag ow kovynn golowys, ev a fyskas a-ji ow krena ha koedha a-rag Powl ha Silas,

1 Korinthianys 2:3

Hag yth esen vy genowgh yn gwannder hag yn own ha meur a grena;

2 Korinthianys 7:15

Hag ystynnys dhywgh dhe voy yw y golonn hag ev ow perthi kov agas bos gostydh, hwi oll, pan y'n degemmersowgh gans own ha krena.

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’