Luk 8:43 - An Bibel Kernewek 20234 (Kernewek Kemmyn)

⁴³ Hag unn venyn neb o klav nans o dewdhek blydhen gans liv goes, neb a spensa oll hy fygans war vedhogyon, heb galloes bos yaghhes gans denvyth,

Luk 8:43 Iomraidhean Croise

2 Kroniklys 16:12

Y'n nownsegves blydhen warn ugens a'y reyn, Asa a borthas kleves yn y dhewdroes, ha gyllys sevur o; byttegyns kyn y'n jevo y gleves, ny hwilas an Arloedh, mes ev a hwilas gweres gans an vedhogyon.

Job 13:4

Saw byttegyns hwi a'm gwynngalgh gans gowyow, koeg vedhogyon owgh hwi oll.

Salmow 108:12

Ro dhyn gweres erbynn an eskar, rag euver yw gweres den.

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Mark 12:44

Rag i oll a wrug tewlel a'ga lanwes, mes hi a'y edhomm a wrug tewlel myns a's teva, oll hy fygans.’

Mark 9:18

ha plepynag y talghenn ynno, ev a'n deghes dhe'n dor, hag ev a ewyn, ha deskerni gans y dhyns ha dos ha bos diwedhyn; ha my a leveris dhe'th tyskyblon ma'n towllens mes, ha ny allsons.’

Luk 13:11

Hag awotta benyn neb a's tevia spyrys a wannegredh etek blydhen, ha plegys yn dew o hi, ha ny ylli kammenn sevel a'y sav.

Luk 13:16

A ny dalvia dhe'n venyn ma, myrgh dhe Abraham, kelmys gans Satnas nans yw etek blydhen, bos livrys dhiworth an kolm ma yn dydh sabot?’

Luk 8:27

Ena pan eth yn-mes dhe'n tir, y tyerbynnas dhodho gour a'n sita, ha dhodho dywolow seuladhydh, ha ny wiska dillas, na triga yn chi, saw y'n bedhow.

Luk 8:42

rag yth esa dhodho unn vyrgh genys, a-dro dhe dhewdhek bloedh, ha hi yn eneworres. Hag ev ow mos, yth esa an routh orth y waska.

Luk 8:44

a dheuth a-dryv dhodho ha tochya pilenn y vantell; hag a-dhesempis liv hy goes a hedhis.

Yowann 9:1

Hag ev ow tremena, ev a welas den dall a'y enesigeth.

Yowann 9:21

mes ny wodhon fatell wel lemmyn, na piw a igoras y dhewlagas; govynnewgh orto, tevesik yw; ev a yll gewsel anodho y honan.’

Oberow 3:2

Hag yth esa neb unn gour degys, evredhek a-dhia vrys y vamm, neb a worrens pub dydh ryb porth an tempel henwys Fethus, dhe wovynn alusen dhiworth an re esa owth entra y'n tempel.

Oberow 4:22

rag an den a hwarvia dhodho an tokyn ma a yaghheans o moy es dew-ugens bloedh.