Luk 8:42 - An Bibel Kernewek 20234 (Kernewek Kemmyn)

⁴² rag yth esa dhodho unn vyrgh genys, a-dro dhe dhewdhek bloedh, ha hi yn eneworres. Hag ev ow mos, yth esa an routh orth y waska.

Luk 8:42 Iomraidhean Croise

Job 4:20

Yntra myttin ha gorthugher distruys yns; i a verow bys vykken heb denvyth ow kul vri.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ezekiel 24:16

Mab den, awottavy ow kemmeres dhiworthis desir dha dhewlagas gans strekys; ny gynydh, na ny oelydh, na ny vydh dhis dagrow.

Ezekiel 24:25

Ha ty, A vab den, y'n jydh may hwrav vy kemmeres dhiworta aga skons, lowena aga thekter, delit aga dewlagas, desir aga enev, hag ynwedh aga mebyon ha'ga myrghes –

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Mark 5:24

Ytho ev eth dhe-ves ganso. Ha routh veur a'n holyas, ha'y waska.

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Luk 8:41

Hag otta, y teuth gour henwys Yairus, neb o rewler a'n synaga, hag ev a goedhas orth treys Yesu, ha'y bysi a dhos yn y ji,

Luk 8:43

Hag unn venyn neb o klav nans o dewdhek blydhen gans liv goes, neb a spensa oll hy fygans war vedhogyon, heb galloes bos yaghhes gans denvyth,

Luk 8:45

Ha Yesu a leveris, ‘Piw a'm tochyas?’ Pan wrug pubonan y nagha, Peder a leveris, ‘Mester, an routhow a'th keas a-derdro orth dha waska, ha ty a wovynn, “Piw a'm tochyas”!’

Romanyon 5:12

Ytho dell dheuth pegh a-bervedh y'n bys der unn den ha mernans dre begh, hag yndella mernans a lesas dhe dus oll drefenn dus oll dhe begha –