Luk 8:24 - An Bibel Kernewek 20234 (Kernewek Kemmyn)

²⁴ Hag i a dheuth dhe wul dhodho difuna, ow leverel, ‘Mester, mester, kellys on!’ Ena ev a dhifunas ha keski an gwyns ha garowder an dowr; hedhi a wrussons hag yth esa kalmynsi.

Luk 8:24 Iomraidhean Croise

Salmow 65:7

Ev a spavennha tros an mor, tros an mordonnow ha freudh an poblow.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

Matthew 14:30

Mes pan welas an gwyns dhe vos krev, own a'n kemmeras, ha pan dhallathas sedhi, ev a armas ow leverel, ‘Arloedh, gwr a ow sawya!’

Matthew 8:25

Ha'y dhyskyblon a dheuth, hag a wrug dhodho difuna, ow leverel, ‘Arloedh, salw ni, kellys on!’

Mark 4:39

Hag ev a sevis, ha keredhi an gwyns, hag a leveris dhe'n mor ‘Taw, spavennha!’ Ha'n gwyns a hedhis, hag yth esa kalmynsi meur.

Luk 4:35

Mes Yesu a'n keredhis ow leverel, ‘Taw, ha deus yn-mes anodho!’ Ha wosa an jowl dh'y dewlel dhe'n dor yn aga mysk, ev eth yn-mes anodho, heb y bystiga vytholl.

Luk 4:39

Ytho, ev a sevis a-ughti ha keski an fevyr hag ev a's gasas; ha hware hi a sevis ha'ga servya.

Luk 5:5

Ha Simon a worthybis ow leverel, ‘Mester, ni re lavuryas dres oll an nos heb kavoes travyth; mes herwydh dha er my a dewl an roesow.’

Luk 8:25

Ev a leveris dhedha, ‘Ple'ma agas fydh?’ Mes i a leveris an eyl dh'y gila, ‘Piw ytho yw hemma, ow korhemmynna ynwedh dhe'n gwynsow ha dhe'n dowr, ha gostydh yns dhodho?’