Luk 8:21 - An Bibel Kernewek 20234 (Kernewek Kemmyn)

²¹ Mes ev a worthybis ha leverel dhedha, ‘Ow mamm ha'm breder yw an re a glew ger Duw ha'y wul.’

Luk 8:21 Iomraidhean Croise

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Matthew 28:10

Ena yn-medh Yesu dhedha, ‘Na berthewgh own; kewgh, leverewgh dhe'm breder mos yn-kerdh dhe Alile, hag ena i a'm gwel.’

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Luk 8:20

Ha leverys veu dhodho, ‘Dha vamm ha'th vreder a worta a-ves ow mynnes dha weles.’

Yowann 13:17

Mar konvedhowgh an taklow ma, gwynn agas bys mara's gwrewgh.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.