Luk 8:18 - An Bibel Kernewek 20234 (Kernewek Kemmyn)

¹⁸ Merkyewgh ytho fatell glewowgh: rag neb a bewvo, dhodho ev y fydh res; ha neb na bewvo mann, y fydh kemmerys a-dhiworto ynwedh an pyth a dybir ev dhe bewa.’

Luk 8:18 Iomraidhean Croise

Lavarow Koth 14:12

Yma fordh a hevel ewn dhe wour, mes hy diwedh yw fordhow ankow.

Matthew 13:12

Rag neb a bewvo, dhodho ev y fydh res, hag ev a'n jevydh lanwes; mes neb na bewvo, y fydh kemmerys a-dhiworto ynwedh an pyth a bew.

Matthew 25:29

Rag dhe beub a bewvo, y fydh res, hag ev a'n jevydh lanwes; mes neb na bewvo mann, dhiworto ev y fydh kemmerys ynwedh an pyth a bew.

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Luk 19:26

“My a lever dhywgh, dhe beub a bewvo, y fydh res, mes dhiworto ev neb na bewvo mann y fydh kemmerys ynwedh an pyth a bew.

Luk 9:44

‘Gorrewgh an geryow ma yn agas diwskovarn; rag Mab an den a vydh delivrys yn diwleuv tus.’

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Oberow 10:33

Rakhenna my a dhannvonas hware war dha lergh hag a'th kuvder devedhys osta. Lemmyn kuntellys on ni oll dherag Duw rag goslowes orth an taklow oll re beu erghys dhis gans an Arloedh.’

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

1 Korinthianys 14:37

Mar tyb nebonan y vos profoes, po spyrysel, y koedh dhodho avowa bos an pyth a skrifav dhywgh arghadow an Arloedh.

1 Korinthianys 3:18

Na omdoelles denvyth; nebonan ahanowgh mar tesev y vos skentel y'n oes ma, des ha bos foll, may teffo ha bos skentel.

1 Korinthianys 8:2

Nebonan mar tyb ev dhe wodhvos neptra, ny woer na hwath kepar dell goedh dhodho godhvos;

Filippianys 3:4

kyn fo dhymmo vy ow honan ynwedh reson dhe drestya y'n kig. Mars eus den arall a drest y'n kig, my a drest dhe voy:

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.