Luk 8:13 - An Bibel Kernewek 20234 (Kernewek Kemmyn)

¹³ An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Luk 8:13 Iomraidhean Croise

Job 19:28

‘Mes mar leverowgh, “Fatell wren ni y helghya rag y kevir gwreydhenn an mater ynno ev y honan”,

Lavarow Koth 12:12

Tour krev an debeles a dheu dhe vagor, mes gwreydhenn an den gwiryon a sev fast.

Lavarow Koth 12:3

Ny yll den bos fastys gans droktra, mes gwreydhenn an re wiryon ny vydh nevra removyes.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ezekiel 33:32

Nyns osta dhedha marnas kaner a ganow kerensa gans lev teg, ha nebonan a sen daffar menestrouthi yn ta; i a glew dha eryow, heb aga gul.

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Mark 6:20

rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Luk 8:12

An re ryb an fordh yw neb a glew, ena an jowl a dheu ha kemmeres an ger dhiworth aga holonn rag own i dhe grysi ha bos selwys.

Luk 8:14

An dra a goedhas y'n spern, yth yw an re a glewas, ha pan vons yn-rag tegys yns gans an fienasow ha'n rychys ha'n plesours a vewnans, ha ny dhegons frut adhves.

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

1 Korinthianys 15:2

keffrys mayth owgh selwys dredhi, mar synsowgh yn fast an ger a bregewthis dhywgh, marnas yn euver y kryssowgh.

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Galatianys 3:4

A wodhevsowgh kemmys yn euver – a pe yn euver devri?

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

1 Thessalonianys 3:5

Rakhenna pan na wrugavy perthi na fella, my a dhannvonas dhe wodhvos agas fydh, rag own a'n tempter dh'agas previ yn neb maner ha'gan lavur dhe bos euver.

1 Timothi 1:19

ow synsi fydh ha kowses da. Yma tus, ow skonya hemma, re wrug gorhel terrys a'ga fydh;

Ebrowyon 10:39

Mes nyns on ni a'n re a gildenn ha mos dhe goll, mes a'n re a's teves fydh ha gwitha aga enev.

Jamys 2:26

Rag kepar dell yw an korf marow heb spyrys, yndella ynwedh, marow yw fydh heb gwriansow.

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

2 Peder 2:22

An gwir lavar re goedhas warnedha, ‘An ki a dreyl arta dh'y hwyjans y honan’, hag ‘An vanow, wosa omwolghi, a dreyl dhe omrolya yn leys.’

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;