Luk 7:6 - An Bibel Kernewek 20234 (Kernewek Kemmyn)

⁶ Ytho Yesu eth gansa. Mes pan nag esa nep-pell dhiworth an chi, an penn-kangour a dhannvonas dhodho kowetha, ow leverel dhodho, ‘Arloedh, na borth ahwer, rag nyns ov vy gwiw ty dhe dhos yn-dann ow tho;

Luk 7:6 Iomraidhean Croise

Jenesis 32:10

nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Mark 5:24

Ytho ev eth dhe-ves ganso. Ha routh veur a'n holyas, ha'y waska.

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Luk 7:4

Ha wosa dos dhe Yesu i a elwi warnodho yn ter, ow leverel, ‘Ev yw wordhi may hwredh hemma ragdho,

Luk 7:5

rag ev a gar agan kenedhel hag ev a dhrehevis ragon an synaga.’

Luk 7:7

rakhenna ny omsynsis gwiw dhe dhos dhis, mes lavar an ger, ha'm gwas a vydh sawys.

Luk 8:49

Hag ev hwath ow kewsel, y teuth nebonan dhiworth chi rewler an synaga, ow leverel, ‘Dha vyrgh re verwis; na wra ankombra an Mester namoy.’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Jamys 4:10

Omuvelhewgh a-dherag an Arloedh, hag ev a wra agas ughelhe.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’