Luk 7:40 - An Bibel Kernewek 20234 (Kernewek Kemmyn)

⁴⁰ Ha Yesu a worthybis ha leverel dhodho, ‘Simon, yma dhymm neppyth dhe leverel dhis.’ Yn-medh ev, ‘Mester, lavar.’

Luk 7:40 Iomraidhean Croise

1 Myghternedh 2:14

Ena yn-medh ev, ‘Yma dhymm neppyth dhe leverel dhis.’ Yn-medh hi, ‘Kows.’

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Matthew 26:49

Ha desempis ev eth dhe Yesu ha leverel, ‘Lowena dhis, Mester!’ hag amma dhodho.

Matthew 7:22

Lies huni a lever dhymm y'n jydh na, “Arloedh, Arloedh, a ny wrussyn profoesa yn dha hanow jy, hag yn dha hanow tewlel yn-mes dywolow, hag yn dha hanow gul meur a oberow galloesek?”

Luk 18:18

Unn rewler a wovynnas orto, ‘Mester mas, pandr'a wrav rag erita bewnans heb diwedh?’

Luk 5:22

Mes Yesu owth aswonn aga frederow a worthybis ha leverel dhedha, ‘Pandr'a resnowgh yn agas kolonn?

Luk 5:31

Ha Yesu a worthybis ow leverel dhedha, ‘Nyns eus edhomm a vedhek dhe dus yagh, saw dhe glevyon;

Luk 6:8

Mes ev, owth aswonn aga frederow, a leveris dhe'n gour gwedhrys y leuv, ‘Sav, ha deus y'n kres.’ Hag ev a sevis yn-bann, ha sevel ena.

Luk 7:39

Ytho pan y'n gwelas an Farise neb a'n galwsa, ev a gewsis dhodho y honan ow leverel, ‘Mar pe hemma profoes, ev a wodhvia piw ha py par benyn yw hi neb a wra y dochya, rag peghadores yw hi.’

Luk 7:41

‘Yth esa dhe unn kresysor dew gendoner; yth esa dhe'n eyl kendon a bymp kans diner, ha dh'y gila hanter-kans.

Yowann 13:13

Hwi a'm gelow Mester hag Arloedh, ha hwi a gews yn ta, rag yndella yth ov.

Yowann 16:19

Yesu a wodhva i dhe vynnas govynn orto, hag yn-medh ev dhedha, ‘Hwi a omgusul an eyl gans y gila, rag my dhe leverel, unn pols byghan ha ny'm gwelowgh, hag arta unn pols byghan ha hwi a'm gwel.

Yowann 16:30

Lemmyn ni a woer ty dhe wodhvos pup-tra, ha nyns eus edhomm dhis may hwrello denvyth govynn orthis; rakhemma ni a grys ty dhe vos devedhys dhiworth Duw.’

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’