Luk 7:34 - An Bibel Kernewek 20234 (Kernewek Kemmyn)

³⁴ Mab an den a dheuth ow tybri hag owth eva, ha hwi a lever, “Gargasenn ha penn-medhow yw, koweth tolloryon ha peghadoryon.”

Luk 7:34 Iomraidhean Croise

Matthew 11:19

Mab an den a dheuth ow tybri hag owth eva hag yn-medhons i, “Otta gargasenn ha penn-medhow, koweth tolloryon ha peghadoryon.” Mes furneth yw prevys ewn gans hy oberow.’

Matthew 5:46

Rag mar kerewgh an re usi orth agas kara hwi, pana wober a'gas bydh? A ny wra ynwedh an dolloryon an keth tra?

Matthew 9:11

Ha'n Fariseow pan y'n gwelsons a leveris dh'y dhyskyblon, ‘Prag y teber agas Mester gans tolloryon ha peghadoryon?’

Luk 11:37

Hag ev hwath ow kewsel, unn Farise a'n gelwis dhe dhybri ganso; hag ev eth hag esedha orth an voes.

Luk 14:1

Ena ev eth yn chi onan a'n benn-fariseow y'n sabot rag dybri bara, hag yth esons orth y aspia gluw.

Luk 15:2

Mes an Fariseow ha'n skribys a grodhvola, ow leverel, ‘An den ma a wolkomm peghadoryon hag a dheber gansa.’

Luk 19:7

An dus oll, pan welsons hemma, a grodhvola ow leverel, ‘Ev res eth dhe godriga gans gour yw peghador.’

Luk 5:29

Ha Levi a wrug kevewi bras ragdho yn y ji, hag yth esa routh veur a dolloryon hag erell esedhys orth an voes gansa.

Luk 7:33

Rag Yowann Besydhyer a dheuth heb dybri bara nag eva gwin, ha hwi a lever, “Yma dyowl ganso.”

Luk 7:35

Mes furneth yw prevys ewn gans oll hy fleghes.’

Luk 7:36

Yth esa onan a'n Fariseow ow kovynn orto dybri ganso, ytho ev eth yn chi an Farise, hag esedha dhe dhybri.

Yowann 12:2

Ytho i a wrug kevewi dhodho ena, hag yth esa Maria ow servya, ha Lazarus a veu onan a'n re esedhys orth an voes ganso.

Yowann 2:2

ha Yesu ha'y dhyskyblon a veu gelwys dhe'n demmedhyans.