Luk 7:16 - An Bibel Kernewek 20234 (Kernewek Kemmyn)

¹⁶ Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Luk 7:16 Iomraidhean Croise

Salmow 65:9

Ty a vir orth an nor ha'y dhowra, ty a wra dh'y feythter ynkressya; avon Duw yw leun a dhowr; ty a brovi ys ragdha, rag yndella ty re'n darbaris.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Matthew 15:31

Ytho an routh a's teva marth pan welsons an re avlavar ow kewsel, an dus vans yn yagh, ha'n evredhyon ow kerdhes ha'n dhellyon ow kweles; hag i a wormolas Duw Ysrael.

Matthew 21:11

Ha'n routhow a worthybis, ‘Hemm yw an profoes Yesu, a Nazareth yn Galile.’

Matthew 28:8

Hag i a omdennas uskis dhiworth an bedh gans own ha lowena veur, ha poenya dhe ri derivadow dh'y dhyskyblon.

Matthew 9:8

Ha'n routhow pan y'n gwelsons a veu kemmerys gans own hag a wordhyas Duw neb re wrussa grontya kemmys galloes dhe dus.

Luk 1:65

Own a dheuth war oll aga hentrevogyon; hag yth esa oll an taklow ma derivys a-les yn oll an vro venydhyek a Yudi,

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Luk 19:44

i a'th terr dhe'n dor, ha'th fleghes ynnos, ha ny asons men war ven ynnos, rag ny aswonnsys termyn dha visitasyon.’

Luk 2:20

Ha'n vugeledh a dhehwelis, ow kordhya hag ow kormel Duw, a bup-tra a glewsens ha gweles, kepar dell veu leverys dhedha.

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Luk 5:26

Ha pubonan a's teva marth, hag yth esons ow kormel Duw ha lenwys a own vons i, ow leverel, ‘Ni re welas marthusyon hedhyw.’

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Luk 7:15

Ha'n marow a sevis dh'y esedh ha dalleth kewsel; hag ev a'n ros dh'y vamm.

Luk 7:39

Ytho pan y'n gwelas an Farise neb a'n galwsa, ev a gewsis dhodho y honan ow leverel, ‘Mar pe hemma profoes, ev a wodhvia piw ha py par benyn yw hi neb a wra y dochya, rag peghadores yw hi.’

Luk 8:37

Hag oll an routh a bow an Gadarenys a wre y bysi a'ga gasa, rag dalghennys vons i gans own meur; ytho ev eth yn gorhel ha dehweles.

Luk 9:19

I a worthybis ow leverel, ‘Yowann Besydhyer, re erell Elias, mes re erell, “Onan a'n brofoesi a-henys re dhassorghas.” ’

Yowann 1:21

Hag i a wovynnas orto, ‘Piw ytho? Osta Elias?’ Yn-medh ev, ‘Nag ov vy.’ ‘Osta an profoes?’ Hag ev a worthybis, ‘Nag ov.’

Yowann 1:25

Hag i a wovynnas orto ha leverel dhodho, ‘Prag ytho y pesydhydh mar nyns osta an Krist, nag Elias, na'n profoes?’

Yowann 4:19

Yn-medh an venyn dhodho, ‘Syrra, my a wel ty dhe vos profoes.

Yowann 6:14

Ena an dus, pan welsens an tokyn a wrug Yesu, a leveris, ‘Hemma dhe wir yw an profoes a dal dos y'n bys.’

Yowann 9:17

Arta y lavarsons dhe'n den dall, ‘Pandr'a leverydh dha honan anodho, rag ev dhe igeri dha dhewlagas?’ Yn-medh ev, ‘Profoes yw.’

Oberow 5:5

Pan glewas Ananias an geryow ma, ev a goedhas dhe'n leur, hag ev a verwis; hag own meur a dheuth war beub a glewas anedhi.

Oberow 7:37

Hemm yw an Moyses a leveris dhe vebyon Ysrael, “Duw a dhrehav ragowgh profoes dhiworth agas breder, dell y'm drehevis vy.”

Galatianys 1:24

hag i a wordhyas Duw ynnov.

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.