Luk 7:13 - An Bibel Kernewek 20234 (Kernewek Kemmyn)

¹³ Ha pan y's gwelas, an Arloedh a'n jeva truedh anedhi, hag a leveris dhedhi, ‘Na oel.’

Luk 7:13 Iomraidhean Croise

Salmow 103:13

Avel tas a gemmer truedh a'y fleghes, yndellma an Arloedh a gemmer truedh a'n re a berth own anodho.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Mark 8:2

‘Truedh a'm beus a'n routh, drefenn i dhe vos genev nans yw tri dydh, ha nyns eus gansa travyth dhe dhybri;

Luk 10:1

Wosa hemma, an Arloedh a apoyntyas dewdhek ha tri-ugens arall ha'ga dannvon dew ha dew a-dheragdho dhe bub sita ha tyller may fynna ev mos.

Luk 11:1

Hag y hwarva ev dhe vos ow pysi yn neb tyller, ha pan hedhis, onan a'y dhyskyblon a leveris dhodho, ‘Arloedh, dysk dhyn pysi, kepar dell dhyskas Yowann y dhyskyblon ev.’

Luk 11:39

Mes yn-medh an Arloedh dhodho, ‘Lemmyn hwi Fariseow a wolgh an tu a-ves a'n hanaf ha'n skudell, mes war-ji yth owgh leun a ladrans ha droktra.

Luk 12:42

Ha'n Arloedh a worthybis, ‘Piw ytho yw an rennyas lel ha doeth neb a re an mester dhodho charj a'y servysi dhe ri dhedha aga ewnrannow y'n seson ewn?

Luk 13:15

An Arloedh a worthybis dhodho ha leverel, ‘Falswesyon, a ny wra pubonan ahanowgh y'n sabot digelmi y ojyon po y asen a'n presep ha'y hembronk dhe-ves rag gul dhodho eva?

Luk 17:5

Ha'n abesteli a leveris dhe'n Arloedh, ‘Gwra kressya agan fydh.’

Luk 17:6

An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Luk 18:6

Yn-medh an Arloedh, ‘Goslowewgh dhe'n pyth a lever an justis kammhynsek.

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Luk 22:61

Ha'n Arloedh a dreylyas ha mires orth Peder, ha Peder a borthas kov a lavar an Arloedh, fatell leveris dhodho, ‘Kyns an kulyek dhe gana hedhyw, ty a'm denagh teyrgweyth.’

Luk 24:3

mes pan ethons ynno ny gavsons korf an Arloedh Yesu.

Luk 24:34

ow leverel, ‘Yn hwir, an Arloedh yw drehevys hag ev re omdhiskwedhas dhe Simon!’

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Luk 7:14

Hag ev a dheuth yn-rag ha tochya an eler, ha'n dhegoryon a hedhis; hag ev a leveris, ‘Den yowynk, my a lever dhis, sav yn-bann!’

Luk 7:19

ha'ga dannvon dhe'n Arloedh ow leverel, ‘Yw ty an den a dal dos, po ken onan a wortyn?’

Luk 8:52

I oll a oela ha kyni war hy lergh. Mes ev a leveris, ‘Na oelewgh, rag ny verwis hi, mes hi a gosk.’

Yowann 11:2

Maria o hi neb a uras an Arloedh gans unyent, ha sygha y dreys gans hy gols; ha'y broder Lazarus o klav.

Yowann 11:3

Ytho an hwerydh a dhannvonas dhodho ow leverel, ‘Arloedh, otta, ev neb a gerydh yw klav.’

Yowann 20:13

Hag i a leveris dhedha, ‘A venyn, prag yth oelydh?’ Yn-medh hi dhedha, ‘I re gemmeras ow Arloedh dhe-ves, ha ny wonn ple'n gorrsons.’

Yowann 20:15

Yn-medh Yesu dhedhi, ‘A venyn, prag yth oelydh? Piw a hwilydh?’ Hi, ow tybi y vos an lowarther, a leveris dhodho, ‘Syrra, mar kwrussys y dhoen dhe-ves, lavar dhymm le ma'n gorrsys, ha my a'n kemmer.’

Yowann 4:1

Rakhenna pan wodhva Yesu y klewsa an Fariseow Yesu dhe wul ha dhe vesydhya moy dyskyblon es dell wrug Yowann

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

1 Korinthianys 7:30

ha'n re a gyn kepar ha pan na vens ow kyni, ha'n re neb a lowenha kepar ha pan na vens ow lowenhe, ha'n re neb a bren kepar ha pan vens i heb pythow,

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.