Luk 7:12 - An Bibel Kernewek 20234 (Kernewek Kemmyn)

¹² Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Luk 7:12 Iomraidhean Croise

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Jenesis 22:2

Hag yn-medh ev, ‘Kemmer dha vab, dha unn vab Ysak a gerydh, ha ke dhe bow Moria ha'y offra ena avel offrynn leskys war onan an menydhyow a lavarav dhis.’

2 Samuel 14:7

Hag, otta, an teylu oll re dhrehevis erbynn dha vaghteth, hag i re leveris, “Delirv yn-bann ev neb a weskis y vroder, may hyllyn y worra dhe'n mernans rag bewnans y vroder a ladhas; ha ni a dhistru an her ynwedh.” Yndella y tifeudhons ow holenn vew yw gesys, ha ny as dhe'm gour naneyl hanow na remenant war enep an norvys.’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 17:23

Elias a gemmeras an flogh, ha'y dhri yn-nans a'n soler a-berth y'n chi, ha'y ri dh'y vamm; ena Elias a leveris, ‘Mir, yma dha vab yn few.’

1 Myghternedh 17:9

‘Ke lemmyn dhe Sarefath, usi dhe Sidon, ha triga ena; rag my re worhemmynnis dhe wedhwes ena dha sostena.’

2 Myghternedh 4:16

Ev a leveris, ‘Y'n seson ma, an termyn ma y'n vlydhen a dheu, ty a wra byrla mab.’ Ha hi a leveris, ‘Na, ow arloedh, ty wour Duw, na wowlever dhe'th vaghteth.’

2 Myghternedh 4:20

Ev a'n drehevis, ha'y dhri dh'y vamm, hag ev a esedhas war hy dewlin bys yn hanter-dydh, hag ena merwel.

Job 29:13

An dus esa ow merwel a'm benniga, ha my a wre dhe golonn an wedhwes kana.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Luk 7:11

Nebes a-wosa, ev eth yn sita henwys Nayn, hag yth esa y dhyskyblon ha routh veur ow mos ganso.

Luk 7:13

Ha pan y's gwelas, an Arloedh a'n jeva truedh anedhi, hag a leveris dhedhi, ‘Na oel.’

Luk 8:42

rag yth esa dhodho unn vyrgh genys, a-dro dhe dhewdhek bloedh, ha hi yn eneworres. Hag ev ow mos, yth esa an routh orth y waska.

Luk 8:52

I oll a oela ha kyni war hy lergh. Mes ev a leveris, ‘Na oelewgh, rag ny verwis hi, mes hi a gosk.’

Yowann 11:19

Ha lies a'n Yedhewon a dheuth dhe Martha ha dhe Varia dh'aga honfortya a-dro dh'aga broder.

Oberow 9:39

Ytho Peder a sevis yn-bann ha mos gansa; pan dhothya, i a'n ledyas yn-bann dhe'n stevell wartha, ha'n gwedhwesow oll a sevis rybdho, owth oela hag ow tiskwedhes krysyow ha dillas re wrussa Dorkas ha hi gansa.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.