Luk 6:6 - An Bibel Kernewek 20234 (Kernewek Kemmyn)

⁶ Ena yn sabot arall ev eth y'n synaga ha dyski. Hag yth esa den ena, gwedhrys y leuv dhyghow.

Luk 6:6 Iomraidhean Croise

1 Myghternedh 13:4

Pan glewas an myghtern an pyth a grias gour Duw erbynn an alter yn Bethel, ev a ystynnas y leuv a-dhiworth an alter, ow leverel, ‘Dalghennewgh ynno!’ Mes an leuv a ystynnas er y bynn a wedhras ma na ylli hy thenna war-dhelergh.

Zekaria 11:17

Go-ev an koeg vugel, a forsak an flokk! Re wasko kledha y vregh ha'y lagas dyghow! Re gowlwetthro y vregh, ha re bo y lagas dyghow kowldhellys!

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Luk 13:10

Yth esa ow tyski yn onan a'n synagys y'n sabot.

Luk 14:3

Ha Yesu, ow korthybi, a gewsis dhe'n laghysi ha dhe'n Fariseow, ow leverel, ‘Yw lafyl yaghhe y'n sabot, po a nyns yw?’

Luk 4:16

Ena ev a dheuth dhe Nazareth, may fia megys, hag ev eth y'n synaga war-lergh y usadow yn dydh sabot, ha sevel dhe lenna.

Luk 4:31

Ena ev a dhiyskynnas dhe Kapernaum, sita yn Galile, hag yth esa orth aga dyski y'n sabot;

Luk 6:1

Hag y hwarva, yth esa ev ow kerdhes der an ysegi y'n sabot, ha'y dhyskyblon a derri an pennow-ys ha'ga dybri, orth aga rutya yn aga diwleuv.

Luk 6:5

Hag yn-medh ev dhedha, ‘Mab an den yw Arloedh ynwedh a'n sabot.’

Yowann 5:3

Ynna yth esa ow krowedha myns meur a glevyon, dall, evredhek ha palsyes, ow kortos gwayans an dowr.

Yowann 9:16

Ytho re a'n Fariseow a leveris, ‘Nyns yw an den ma a Dhuw, rag ny with an sabot.’ Yn-medh re erell, ‘Fatell yll den yw peghador gul toknys a'n par ma?’ Hag yth esa fols yntredha.